Ди къэралым и спортсмен нэхъ лъэрыхь дыдэхэр къыздекIуэлIа, тхэквондо ВТФ спорт лIэужьыгъуэмкIэ Урысейм пашагъэр къыщыхьыным, зи ныбжьыр илъэс 21-м ит пщащэхэри щIалэхэри здызэпэщIэта спорт зэхьэзэхуэ ин накъыгъэм (майм) и 21-24 махуэхэм Люберцы щекIуэкIащ. Дыщэ медалкIэ а зэхьэзэхуэм къыхэжаныкIащ КъэрэшейЧеркес Республикэм къыбгъэдэкIа тхэквондист цIэрыIуэ – ВЫКХЪЭ Амир.
Зэуэ жытIэнщи, мы зэпеуэм и гъэлъэгъуэныгъэхэмкIэ ягъэбелджылащ Европей пашагъэр къэхьыным щIэбэныну зыхуэфащэ спортсменхэр. Амир зыкъыщигъэлъэгъуащ зи хьэлъагъыр килограмм 74-рэ хъу гупым яхэту икIи зэпэщIэтыныгъэхэр IэкIуэлъакIуагъ ин хэлъу къызэринэкIащ, финалми икIащ.
«Выкхъэ Амир IэпщIэлъапщIагъ хэлъу КъэрэшейЧеркесым и щIыхьыр щихъумащ Урысейм пашагъэр къыщыхьыным хуэгъэза спорт зэхьэзэхуэм, дызэрыщыгуфIыкIынуи дыщэ медалкIэ хэгъуэгур диIэтащ», — итхащ КъЧР-м физкультурэмрэ спортымрэкIэ Министерствэм и пресскъулыкъум. Урысейм пашагъэр къыщылъэщыным, дыщэ медалыр зыIэрыгъыхьэным ерыщу, къикIуэт имыIэу хуэкIуэкIэрэ, Амир зэпэщIэтыныгъиплI иригъэкIуэкIащ, дэнэ дежи текIуэныгъэр къабзэу къихьын лъэкIащ. КъинэмыщIауэ, зэпеуэм хэта спортсмен нэхъыфIитхум яхэхуащ КъэрэшейЧеркесым щыщ нэгъуэщI зы тхэквондистри – зи хьэлъагъыр килограмм 87-рэ нэхърэ нэхъыбэ хъухэм яхэту зэпеуэм зыкъыщызыгъэлъэгъуа Агъыржанокъуэ Раул.
Спортсменхэр зыгъасэр Iуэху зэхэщIыкI ин зыбгъэдэлъ Ахмедов Рэшидщ. КъызэрыхалъытамкIэ, зэпеуэм бжьыпэр щызыубыдахэм лъэкIыныгъэ ягъуэтащ тхэквондокIэ Европей пашэныгъэм щIэбэныну.
Больше на Черкес хэку
Подпишитесь, чтобы получать последние записи по электронной почте.
