НАКЪЫГЪЭМ (майм) и 24-27 махуэхэм Армением и къалащхьэ Ереван щекIуэкIа, Европэм грэпплинг UWW (официальнэ версие) спорт лIэужьыгъуэмкIэ и чемпионатымрэ пашагъэр къэхьынымрэ хуэгъэза спорт зэхьэ зэхуэ иным дыщэ медалкIэ къыхэжаныкIащ ди лъэпкъэгъу спортсмен лъэрыхь, Черкесск къалэм щыщ ЖЫР Рамил. Зэкъым Рамил и текIуэныгъэхэм ятеухуа тхыгъэ адыгэ газетым къызэрытеддзар.
Дрогушхуэ адыгэ-абазэ лъэпкъым къахэкIа спортсмен лъэрыхьым и ехъулIэныгъэ лъагэхэм. АтIэ, Рамил тIэунейрэ Урысейм, Европэмрэ Дуней псомрэ зэрызэ пашагъэр щызыубыда грэпплер лъэрыхьщ. Апхуэдэти, Урысейм и командэ къыхэхам хэту, Рамил зыкъыщигъэлъэгъуащ зи хьэлъагъыр килограмм 69-рэ хъухэм я деж. Ди хэкуэгъу спортсмен цIэрыIуэм зэпэщIэтыныгъитху зэхьэзэхуэм ипкъ иту иригъэкIуэкIащ. Дэтхэнэм дежи къабзэу текIуэныгъэр зыIэригъыхьэн лъэкIащ. Гу зылъытапхъэщи, мы зэхьэзэхуэм ди республикэм щыщ нэгъуэщI зы спортсменми (ветеранхэм) — Попандопуло Александр зи хьэлъагъыр килограмм 77-рэ хъухэм зыкъыщигъэлъагъуэри, япэ увыпIэр къилъэщащ. Иджыри ди зы хэкуэгъу спортсмен — Байрамуков Борис зи хьэлъагъыр килограмм 63-м ещанэ увыпIэкIэ къыхэжаныкIащ. Спортсменхэм я гъэсакIуэщ КIэмрыгу Рустамрэ Попандопуло Александррэ.
Больше на Черкес хэку
Подпишитесь, чтобы получать последние записи по электронной почте.
