«ПщIэ зыхуэсщI си хэкуэгъухэ! Мис, аргуэру нобэ тхьэлъанэ къэсхьащ Къэрэшей-Черкесым къулыкъу зэрыхуэсщIэнумкIэ. Си гум къыбгъэдэкIыу фIыщIэшхуэ хузощI Урысей Федерацэм и Президент Путин Владимир – къызигъэза дзыхьым, Къэрэшей-Черкесым сыт щыгъуи къызэрыдэIэпыкъум, ди щIыналъэм адэкIи зедгъэужьынымкIэ сылэжьэну лъэкIыныгъэ къызэрызитам папщIэ!
ФIыщIэшхуэ ябгъэдэлъщ КъЧР-м и ЦIыхубэ ЗэIущIэм (Парламентым) и депутатхэм, бэдаущ парту хъуам, си кандидатурэр къызэрыздэфIыгъам папщIэ. Си гум къыбгъэдэкIа фIыщIэр яхузогъэфащэ нобэрей дауэдапщэм къеблэгъа, хъуэхъу псалъэхэр си щхьэкIи, республикэм щыпсэухэми къахуэзыгъэфэща хьэщIэхэм!
Мыпхуэдэ Iуэхугъуэхэм деж IупщIу зыхыбощIэ цIыхубэм къыуигъэз дзыхьыр, псом хуэмыдэу – жэуаплыгъэ иныр. Шэч хэмылъу, пщэрылъ ин бохь район, къалэ, къуажэ, станицэ, унагъуэ къэс хуэгъэзауэ, республикэм и къэкIуэнумкIэ. Илъэс блэкIахэм дызэщIыгъуу куэд тхузэфIэкIащ. Ауэ, си фIэщ мэхъу – нэхъыбэжи къытпэщылъщ. ДызэщIыгъуу едгъэфIэкIуапхъэщ хэгъуэгур, зедгъэужьын хуейщ ди сабийхэм ябгъэдэлъ лъэкIыныгъэхэм, къалэхэр, къуажэхэр дгъэбыдапхъэщ, Къэрэшей-Черкесыр адрейхэм къахэзыгъэщ ди щIыналъэ телъыджэр, ди хабзэхэмрэ ди зэкъуэтыныгъэмрэ тхъумэн хуейщ!
Сэ махуэ къэс сыхуэлэжьэнущ къыгуэпх мыхъуну Урысейм къуэт си хэгъуэгум — ди республикэм и къэкIуэнум, ар нэхъ лъэрыхь, къарууфIэ хъун папщIэ. Ирегушхуэ ди сабийхэр Къэрэшей-Черкесым къызэрыхъуам, я щIыналъэм деж щахузэфIэкIам папщIэ. Ди нэхъыжьхэм сыт щыгъуи ябгъэдырелъ гугъапIэфIхэр, фIэщхъуныгъэ лъапIэр. ИкIи нобэ сыт длэжьыр — ди пщэдейм лъабжьэ быдэ хурехъу! Тхьэм фигъэпсэу, къызэвгъэза дзыхьым папщIэ! ИпэкIэ докIуатэ!» — жиIащ КъЧР-м и Iэтащхьэ IэнатIэм теува Темрезов Рэшид
Больше на Черкес хэку
Подпишитесь, чтобы получать последние записи по электронной почте.
