Къэрэшей-Черкесым лэжьыгъэ IуэхукIэ къеблэгъащ Урысей Федерацэм щIэныгъэ зэгъэгъуэтынымкIэ и министр Кравцов Сергей.
«ФIыщIэ ин хуэсщIащ Сергей Сергеевич КъЧР-м и ЦIыхубэ ЗэIущIэм (Парламентым) и сессие дауэдапщэм зэрыхэтам папщIэ. ЗэдедгъэкIуэкIащ лъэныкъуитI зэпсэлъэныгъэ. ДыкъытеувыIащ хэгъуэгум дежкIэ мыхьэнэшхуэ зиIэ, егъэджэныгъэ лъэныкъуэм епха упщIэхэм, абы щыщуи, «Молодежь и дети» лъэпкъ проектыр зэрыдгъэзащIэм», — къыхигъэщащ Темрезов Рэшид. КъинэмыщIауэ, зи гугъу ящIа упщIэхэм ящыщщ егъэджэныгъэм, ику ит IэщIагъэ щIэныгъэм пыщIа IэщIагъэлIхэр гъэхьэзырыным, профориентацэ, щIалэгъуалэр хэкупсэу гъэсэным епха лэжьыгъэхэм щIэгъэхуэбжьэным, СВО-м щыIэ къулыкъущIэхэмрэ абыхэм я унагъуэхэмрэ защIэгъэкъуэным.
«А къалэну хъуар — Урысейм и Президент Путин Владимир игъэува курсым и пыщакIуэщ: къэралым и хэгъуэгухэм сабийхэр егъэджэнымкIэ псоми я зэхуэдэ, фIагъ зыхэлъ щытыкIэхэр къыщызэгъэпэщыныр. ФIыщIэ хузогъэфащэ Сергей Сергеевичи, Министерствэм и лэжьакIуэхэми, зэпымыууэ ди республикэр я нэIэм зэрыщIагъэтым, къалэн щхьэхуэхэр зэфIэхынымкIэ дэIэпыкъуэгъу хъуну сыт щыгъуи зэрыхуэхьэзырым папщIэ. Си фIэщ мэхъу: Къэрэшей-Черкесым щыпсэухэм фIагъ лъагэ зыхэлъ щIэныгъэ ягъэгъуэтыным, дэтхэнэми апхуэдэ лъэкIыныгъэ бгъэдэлъхьэным дызэгъусэу пытщэнущ», — къыщIигъужащ Темрезов Рэшид.
Больше на Черкес хэку
Подпишитесь, чтобы получать последние записи по электронной почте.
