Мэкъуауэгъуэм и 23-м ди республикэм щылажьэ, щыпсэу цIыху 30-м нэблагъэм къыхуагъэфэщащ Къэрэшей-Черкесым и ЦIыхубэ ЗэIущIэм (Парламентым) къыбгъэдэкIа нагъыщэ лъапIэхэр.
Къыхагъэщахэм ящыщщ КъЧР-м гуащIэдэкIымрэ социальнэ зыужьыныгъэмрэкIэ и Министерствэм хыхьэу унагъуэм, анагъэм, сабиигъуэм епха къудамэм и унафэщI Гъуэщокъуэ Светланэ, ди хэгъуэгум щIыхь зиIэ и артист, Къэрал филармонием и артист-вокалист Думэныщ Лианэ, пенсионер Иуан Нурбий, пенсэ, социальнэ страхованэмкIэ Фондым нэIэ-ревизионнэ къудамэм и контролёр-ревизор нэхъыжь Кърым Светланэ, «ANEX тур» турист фирмэм и унафэщI, хыхьэхэкIырылажьэ Мамхэгъ Заремэ, «Доктор ЭдоС» стоматологием и унафэщI нэхъыщхьэ Уэз Салимэт, республикэ сабий сымаджэщым и дохутыр нэхъыщхьэм поликлиникэ лэжьыгъэмкIэ и къуэдзэ, врач-педиатр Лъэбышэ Изабеллэ сымэ.
Дэтхэнэми дохъуэхъу икIи дяпэкIи ехъулIэныгъэхэм хуэкIуэну Тхьэм жиIэ!
ГЪУКIЭКЪУЛ Иринэ
Больше на Черкес хэку
Подпишитесь, чтобы получать последние записи по электронной почте.
