Хэхыныгъэхэм ипэ къихуэу, Урысейм и Президент ПУТИН Владимир къэралым и цIыхухэм захуигъэзащ
УРЫСЕЙ псом и дэнэ къуапи хуэдэу, махуищым къриубыдэу Къэрэшей-Черкесми щекIуэкIащ УФ-м и Къэрал Думэм и е IX-нэ зэхуэшэсыгъуэм хэтыну депутатхэр къыхэхыным хуэгъэза хэхыныгъэ компанэр. Абы папщIэ хэгъуэгум къыщызэIуахащ сыт щыгъуи лажьэ зи хабзэ хэхыпIэ щIыпIэ 249-рэ, пIалъэкIэ къызэрагъэпэща хэщIапIитIрэ. «Хэхыныгъэхэм дыхэтыныр — ТекIуэныгъэм ди зэхуэдэу хуэтщI хэлъхьэныгъэшхуэщ икIи хэхакIуэ къэс и макъым мыхьэнэ ин иIэщ! ЦIыху къэс и республикэм, и къэралым и къэкIуэнум хузэфIэкI хуищIэну и къалэнщ.
Ар — ди граждан еплъыкIэр, дызыщалъхуа щIыналъэм, Хэку иным худиIэ жэуаплыгъэр къыздэдгъэлъагъуэщ. Зыщыдгъэгъупщэ хъунукъым: Урысейм и къарууфIагъыр къыздежьэр — абы худиIэ фIылъагъуныгъэм, лъэпкъхэм я зэкъуэтыныгъэм, цIыху къэс ихь жэуаплыгъэм дежщ!» — щитхащ социальнэ зэпыщIэныгъэхэм хэгъуэгум и лIыщхьэм. «Iэ хуэсIэтащ Урысейм и Президент Путин Владимир игъэбелджыла зыужьыныгъэ курсым, ди псэм хуэтхь Къэрэшей-Черкесыр зэкIэлъыгъэкIуауэ егъэфIэкIуэным, ди Хэку щэджащэм — Урысейм и щхьэхуитыныгъэм, анагъэмрэ сабиигъуэмрэ хъумэным, защIэгъэкъуэным, егъэджэныгъэм, узыншагъэр хъумэным, экономикэмрэ социальнэ лъэныкъуэхэмрэ загъэужьыным.
Апхуэдэуи, СВО-м щыIэ, къэралым и хьэлэмэтхэмрэ Урысейм и шынагъуэншагъэмрэ зыхъумэ ди къулыкъущIэхэми дяпэкIи дэIэпыкъуныгъэ ядгъэгъуэтыным», — журналистхэм щадэпсалъэм къыхигъэщащ Темрезов Рэшид.
Больше на Черкес хэку
Подпишитесь, чтобы получать последние записи по электронной почте.
