ХХ лIыщIыгъуэм и 1950 гъэхэм и япэ илъэсхэм къалэм и ищхъэрэкъуэкIыпIэ лъэныкъуэмкIэ иужьрей дыдэ уэраму щытар Зелёная зи фIэщыгъэцIэращ. Абазинскэ уэрамым зэуэ къыкIэлъыкIуэт хъупIэхэр, адэкIэ гъущI гъуэгурати, абы щегъэжьауэ бгы лъапэм нэгъунэ жыг хадэхэр ирикIуэт.
«Пятачок» фIэщыгъэцIэр иратат щIалэгъуалэм фIы дыдэу ялъэгъуа къалэ скверым. Абдеж щыIэ, «Сковорода»-кIэ зэджэ, къэфапIэ утыку хъуреишхуэр къафэкIэ ираутыкIт. Арами, ар зыкъэгъэлъэ гъуапIэ къудейтэкъым, атIэ икIи зэпсэлъапIэт, уеблэмэ хъыбарыщIэхэри абдежт щагъэIу. 1959 гъэм шыщхьэIум и 7-ращ Черкесск къалэм япэ дыдэ светофор щыдагъэувар. Абы и гъэувыпIэу къыхахар къалэм и уэрам нэхъ зекIуапIэ — зежапIэращ. Апхуэдэу щытащ «Комсомолец» кинотеатр Iэхэлъахэмрэ Ставропольскэ, Ленин и цIэр зезыхьэ уэрамхэмрэ я зэпылъыпIэр. Къалэм и купсэ уэрамхэми тхыдэ ныбжь яIэщ. Апхуэдэу, Красноармейскэ, Первомайскэ уэрамхэм транспорт трамыгъэхьэу, зэхуэщIауэ щытащ. Ар Черкесск и Арбат ЦIыкIуу плъытэ хъунущ. Иджыри а тхыдэ щIыпIэр зэрыщытам хуахьыжауэ, а фIэщыгъэцIэ гъэщIэ гъуэнри жылагъуэм къыдокIуэкI. Советхэм я Унэу щытам и пащхьэ, утыкум пкъоушхуэхэр итащ машинэ, шыгу, къинэмыщI а щIыпIэхэм щагъэув зэрымыхъунум и хъыбарегъащIэ тхыгъэхэр тетхауэ. Советхэм я Унэм ижьырабгъумкIи и сэмэгурабгъумкIи мывэ витринэхэр щытащ, щIыпIэ, купсэ газетхэр щащэу. 1960 гъэхэм ахэр Iуахыжащ
Больше на Черкес хэку
Подпишитесь, чтобы получать последние записи по электронной почте.
