Адыгэхэм я тхыдэм къыхощыж ди лъэпкъым сыт щыгъуэ лъэхъэни лIыгъэ хэлъу, зыщыпсэу къэралым и щIыхьыр ихъумэу къызэрекIуэкIар. Ноби аращ зэрыщытыр. Сыт щхьэкIэ жыпIэмэ, адыгэм и лъым хэлъщ щыпкъагъэр, лIыхъужьыгъэр, дэIэпыкъуэгъу хуэныкъуэм зыщIигъэкъуэным зэи шэч къызэрытримыхьэр.
Абы и щапхъэщ СВО-р зэрыщIидзэрэ ди адыгэ къуажэхэм дэкIа щIалэгъуалэм я псэ емыблэжу Хэкур хъумэным, гузэвэгъуэ ихуа цIыхухэм къащхьэщыжыным, нацизмэм, фашизмэм пэщIэтынымрэ гъэкIуэдынымрэ зэрыпэщIэувар. Дауи, зы адыгэ къуажэ республикэм къинауэ къыщIэкIынкъым зи щIалэгъуалэ СВО-м кIуа ямыIэу. ХабзэфIым зэрытету, лъэпкъхэр зэкъуэувауэ, ди гъащIэм къыхыхьа фа- шизмэр гъэкIуэдыпэным псэемыблэжу я гъащIэр хуагъэтIылъ.
Шэчыншэу, а зауэ операцэм хэт дэтхэнэри дэркIэ лъэужьщ, абыхэм ди Хэкур яхъумэ, мамырыгъэм щIобэн, лIыгъэ мыкIуэщI къагъэлъагъуэ. Узыншэу Тхьэм дэтхэнэри я унагъуэм къихьыж!
Ахэр зэбэн фашизмэм и гугъу пщIымэ, «Крокус Сити»-м къыщыхъуа щIэпхъаджагъэр япщэ умыкIуэжыну хьэкIэкхъуэкIагъэщ. Апхуэдэр зыщIам узэрыпзщIэмытынур дауэ? Абыхэм ящыщщ Украинэм и нацистхэм нобэ драгъэкIуэкI бэнэныгъэри. Зы махуи щыдгъэт хъунукъым апхуэдэ хьэкIэкхъуэкIэхэм ебэныныр. Сыт щхьэкIэ жыпIэмэ, дяпэ къэкIуэну щIэблэр псэун хуейщ мамыр гъащIэм, нацист Iуэху бгъэдыхьIэ ямылъагъуу зыхамыщIэу.
Къэсщтэнщи, дыззрысабий лъандэрэ дызьпцIапIыкIар ди адэшхуэхэм Хэку зауэшхуэм къыщагъэлъэгъуа лIыхъужьыгъэхэращ, яхзлъа лIыгъэращ, зыщалъхуа щIыналъэм хуаIэ фIылъагъуныгъэращ. А хэкупсагъзр тхэлъу дэри дыкъэтэджащ. Хэкум къулыкъу хуэтщIэным пщIэ ин, щIыхь лъагэ зэрыпылъыр зыхэтщIэу дыкъэхъуащ. Абы и щапхъэ диIэти… Къулыкъу зымыщIам, сощIэж, фэ ира плъу щытакъым. Иджы, дэ къытщIэхъуэжахэми къагъэлъагъуэ Хэку фIылъагъуныгъэ къызэрымыкIуэ. Ар уасэншэщ.
Хэкум къулыкъу хуэщIэныр сыт щыгъуи щытащ икIи къонэж къызэрымыкIуэу пщIэ лъагэ иIэу щIыхьрэ жэуаплыгъэрэ зыпылъу. Нобэ ди къулыкъущIэхэм къагъэлъагъуэ гуеигъэращ иджырей ди щIэблэщIэр зыщIэтпIыкIын, зыдэдгъэплъеин хуейр. Ар хэти ди къалэнщ.