УФ-м и Президентым и ЛIыкIуэу СКФО-м щыIэ Чайка Юрий видеоконференц щIыкIэм тету иригъэкIуэкIа Советым и зэIущIэм Къэрэшей-Черкесым и Iэтащхьэ Темрезов Рэшид хэтащ.
Ахэр тепсэлъыхьащ спорт инфраструктурэм хэгъуэгухэм зыщагъэужьыным, зи узыншагъэкIэ дагъуэ зиIэхэм физическэ культурэмрэ спортымрэкIэ загъэсэнымкIэ яIэ лъэкIыныгъэхэр егъэфIэкIуэным.
Чайка Юрий къыщыпсалъэм къызэхуэсахэм я гулъытэр нэхъ хуигъэзащ адаптивнэ спортым зегъэужьынымкIэ Iэмалхэр къызэгъэпэщыныр УФ-м и Президентым къигъэува къалэнхэр гъэзэщIэным зэрыхуэгъэзар.
КъинэмыщIауэ, зэIущIэм ипкъ иту, мыхьэнэшхуэ зиIэ Iуэхугъуэ къаIэтащ — зауэ операцэ хэхам уIэгъэ щыхъуа, фэбжь зэхуэмыдэхэр щыхэзыха къулыкъущIэхэм адаптивнэ спортымкIэ загъэсэн папщIэ щытыкIэфIхэр къахузэгъэпэщыныр. «Доступная среда» къэрал программэм ипкъ иту, хэгъуэгум и бюджетым и мылъкукIэ, илъэс къэс спорт IуэхущIапIэхэр ирагъэфIакIуэ. Абы и фIыгъэкIэ, физкультурэ-зыгъэхъужыпIэ IуэхущIапIэ 19 зи узыншагъэкIэ дагъуэ зиIэхэм яхуэгъэзауэ зэтрагъэпсыхьащ.
Мы Iуэхугъуэм адэкIи йолэжь. 2025 гъэм «Комплекс- ная спортивно-адаптивная школа» IуэхущIапIэр апхуэдэ цIыхухэм ятегъэпсыхьауэ къызэрагъэпэщынущ.
Больше на Черкес хэку
Подпишитесь, чтобы получать последние записи по электронной почте.
