КъЧР-м и Жылагъуэ палатэм «Іэнэ хъурей» зэІущІэ щекІуэкІащ. Ар теухуауэ щытащ «Жилье и городская среда» лъэпкъ проектым и «Формирование комфортной городской среды» федеральнэ проектым.
ЗэІущІэм хэтащ КъЧР-м и ЦІыхубэ ЗэІущІэм (Парламентым) и депутатхэр, хэгъуэгум ухуэныгъэмрэ ЖКХ-мрэкІэ и Министерствэм, мэрием, районхэм, къулыкъу зэхуэмыдэхэм къабгъэдэкІа лІыкІуэхэр. — Къыхэзгъэщыну сыхуейщ: «комфортная городская среда» псалъэхэм купщІэшхуэ якІуэцІылъщ. Ар — дэтхэнэ цІыхури лэжьэнымкІэ, зекІуэнымкІэ, еджэнымкІэ и гъащІэр, псэукІэр тынш тщІынращ.
Апхуэдэ гулъытэм и фІыщІэкІэ цІыху къэс зыщыпсэу жылагъуэм щыщ Іыхьэу зэрыщытыр гуапэу зыхещІэ, къыпкъро- хьэ, — пэублэ псалъэкІэ зэІущІэм и унэтІыныгъэр къыхигъэщащ республикэм и Жылагъуэ палатэм и пашэ Ляшовэ Еленэ.
Абы ипкъ иткІэрэ, зэІущІэм и япэ псалъэмакъыу щытащ 2024 гъэм къриубыдэу проектымкІэ ялэжьар къапщытэжыныр. — МащІэкъым апхуэдэ лэжьыгъэр.
Апхуэдэу, къалэ кІуэцІым пщІантІэ 51-рэ щызэрагъэзэхуэжащ. Жылагъуэ зэхуэсыпІэ, цІыху зэблэкІыпІэ щІыпІэ 13-м, Урысейпсо зэхьэзэхуэм бжьыпэр къыщызыхьа зы щІыпІэм елэжьащ. Псори зэхэту лэжьыгъэхэм сом мелуани 117-рэ те- хуащ, — жиІащ КъЧР-м ухуэныгъэмрэ ЖКХ-мрэкІэ и министрым и къуэдзэ Приц Екатеринэ.
Больше на Черкес хэку
Подпишитесь, чтобы получать последние записи по электронной почте.
