КъЧР-м и профсоюз Зэгухьэныгъэмрэ СВО-м щыIэхэм защIэгъэкъуэнымкIэ «Защитники Отечества» хэгъуэгу Фондымрэ гуащIэдэкI ЗэгурыIуэныгъэ зэраухылIащ. Дэфтэрым Iэпэ щIадзащ республикэ профсоюз Зэгухьэныгъэм и пашэ Айбазовэ Раисэрэ хэгъуэгу Фондым и унафэщI Абазалиев Маратрэ.
Профсоюзым и пашэм къызэрыхигъэщащи, СВО-м хэтхэм, абыхэм я унагъуэхэм щIэгъэкъуэн яхуэхъуныр профсоюзхэм я къалэн пажэщ. Апхуэдэу, СВО-р зэрыщIидзэрэ, УФ-м и профсоюзхэм дэIэпыкъуныгъэ ахъшэу сом меларди 4 зэхуахьэсащ. Абы щыщщ автомобиль 640-р, БПЛА мин 25-р, медицинэ хьэпшып зэгъэуIуа мин 619-р, хьэку мин 41-р, ерыскъыхэкI тонн мин 38-р. Апхуэдэ дэIэпыкъуныгъэшхуэм КъэрэшейЧеркес Республикэм и профсоюз Зэгухьэныгъэми и Iыхьэшхуэ хэлъщ. Абы щIыгъужщ акцэ зэхуэмыдэхэр, профсоюзхэм хэт, иджыкIэ СВО-м щыIэ зауэлIхэм папщIэ хуэгъэкIуэтэныгъэхэр. Апхуэдэ IуэхуфIхэм я пыщакIуэ ЗэгурыIуэныгъэр зэрыхъунум шэч къызэрытримыхьэр жаIащ ар зэдэзыщIахэм. ШЫБЗЫХЪУЭ Ирэ
Больше на Черкес хэку
Подпишитесь, чтобы получать последние записи по электронной почте.
