Къэрэшей-Черкесым и къалащхьэ Черкесск физкультурникым и Махуэм ипкъ иту «ZaЩИТа» проектым и иужьрей дауэдапщэр щекIуэкIащ. Фигу къэдгъэкIыжынщи, СВО-м хэт зауэлIхэм я сабийхэм папщIэ къызэрагъэпэща, кибершынагъуэншагъэмрэ медиащIэныгъэмрэ хуэгъэпса гъэмахуэ лагерщ ар. «Бадзэуэгъуэ мазэм къриубыдэу, СВО-м хэт зауэлIхэм я сабийхэм папщIэ «Академия детства» сменэ псо къызэдгъэпэщауэ щытащ. Абы зи адэхэр иджыкIэ зауэм Iут сабии 100-м нэблагъэ хиубыдащ. НыбжьыщIэхэм папщIэ кибершынагъуэншагъэм, медиащIэныгъэм, экотерапием ятеухуа курс едгъэкIуэкIащ. Ар зытеухуари и къалэн нэхъыщхьэри — сабийхэм интернет-дунейм зыщахъумэжыфу къыдэкIуэтеинращ», — жиIащ проектым и унафэщI Байрамуковэ Ася. МахуэщIым трагъэхуа дауэдапщэр икъукIэ гъэщIэгъуэну щытащ. Сабийхэр ягъэджэгуащ, зэпрагъэуащ, щIым сурэтхэр тращIыхьащ, аниматорхэр щыIащ. Дэтхэнэ ныбжьыщIэри сабиигъуэ дахэм и дунейм къыщыхутэнымкIэ ялъэкI къагъэнакъым къызэгъэпэщакIуэхэм. ЖыIэпхъэщи, дауэдапщэр екIуэкIащ «Зыуэ щыт Урысей» партым и проектхэу «Женское движение Единой России» (координаторыр – КъЧР-м и ЦIыхубэ ЗэIущIэм и депутат, партым ди хэгъуэгум щиIэ къудамэм и унафэщIым и къуэдзэ Къардэн Фатимэщ) «Детский спорт» (КъЧР-м каратэмкIэ Федерацэм и президент, жылагъуэ советым и тхьэмадэ Айбазов Аслъэн) япкъ иту. «Созидание» псапащIэ фондыр къызэгъэпэщакIуэ нэхъыщхьэу щытащ, президент грантхэмкIэ Фондыр, КъЧР-м егъэджэныгъэмрэ щIэныгъэмрэкIэ Министерствэр, «Архъыз 24» медиахолдингыр щIыгъуу.
Зыгъэхьэзырар ГЪУКIЭКЪУЛ Иринэщ
Больше на Черкес хэку
Подпишитесь, чтобы получать последние записи по электронной почте.
