Яндекс зэдзэкIакIуэм иджы хэтщ Къэрэшей-Черкесым щыпсэу лъэпкъитхум я бзэхэр! ФщIэжу къыщIэкIынщи, мазэ зыбжанэкIэ узэIэбэкIыжмэ абы хагъэхьауэ щытащ къэбэрдей-черкесыбзэмрэ къэрэшей-балъкъэрыбзэмрэ.
Иджы сервисым хэт бзищэм щIигъур зэбдзэкI мэхъу абазэбзэкIи, нэгъуеибзэкIи «КъЧР-м щыпсэу лъэпкъхэм апхуэдэ Iэмал зэрыдгъуэтар, шэчыншэу, хуабжьу гуфIэгъуэщ икIи къызэрымыкIуэу тыншыгъуэщ. АбыкIэ дуней псор нэIуасэ хуэтщIынущ ди бзэ, щэнхабзэ дахэхэм. Уеблэмэ жытIэ хъунущ лъэпкъ цIыкIухэм я анэдэлъхубзэхэр джынымкIэ, хэIущIыIу щIынымрэ хъумэнымрэкIэ лъэбакъуэшхуэ тчауэ — Урысей Федерацэм и Президент Путин Владимир урысей щэнхабзэ бейр хъумэным хуэгъэзауэ къытхуигъэув къалэн пажэр дгъэзащIэу. Бзэ щIэиныр цифровой Iэмалым иту къызэтегъэнэнымкIэ проектыр зэдалэжь Урысейм и лъэпкъхэм я Унэмрэ лъэпкъ IуэхухэмкIэ Федеральнэ агентствэмрэ. КъЧР-м лъэпкъ IуэхухэмкIэ, цIыхубэ зэпыщIэныгъэхэмрэ печатымрэкIэ и Министерствэмрэ егъэ джэныгъэмрэ щIэныгъэмрэкIэ и Министерствэмрэ, ди хэгъуэгум и щIэныгъэрылажьэхэм, жылагъуэ Iуэхузехьэхэм, лингвистхэмрэ лъэпкъыбзэкIэ къыдэкI газетхэм я лэжьакIуэхэмрэ си гуапэ дыдэу фIыщIэ псалъэхэр яхузогъазэ гуп лъэщу зэкъуэувэу мы Iуэхур и кIэм зэрынагъэсам папщIэ», — МАХ-м щиIэ напэкIуэцIым щитхащ хэгъуэгум и Iэтащхьэм.
Иджы Къэрэшей-Черкесым щыпсэу лъэпкъхэм я бзэхэр цифровой къэухьым дэни щоIу!
ЛЫХЬ Тимур
Больше на Черкес хэку
Подпишитесь, чтобы получать последние записи по электронной почте.
