«Россети Ищхъэрэ Кавказ» «Къэрэшей-Черкесскэнерго» къудамэм щылажьэхэм ветеранхэм я Аллее Хьэбэз къуажэм щыхасащ.
АллеещIэр къагъэщIащ Хьэбэз район электрохъыхэм (РЭС) ягъэбыдылIа щIыпIэм. Мы РЭС-м Абазэ, Хьэбэз районхэм хыхьэ къуажэ 15-м щыпсэу цIыху мин 35-р электрокъарукIэ къызэрегъэпэщ. Ар къудамэ нэхъыфIхэм языхэзу къалъытэ. Абы щылажьэхэм, Сказкин Михаил я пашэу, подразделенэм и Iэхэлъахэм пхъэщхьэмыщхьэ къызыпыкIэ жыг 15 щыхасащ. «Мыпхуэдэ дауэдапщэхэр Хэку зауэшхуэм хэта ЛIыхъужьхэм я фэеплъыр мыужьыхынымкIэ хуабжьу щхьэпэщ, псом хуэмыдэу ди щIалэгъуалэм тхыдэр янэтхьэсынымкIэ», – жиIащ къулыкъум и инженер Токаревэ Светланэ.
Хэку зауэшхуэм ТекIуэныгъэр ди къэралым и цIыхухэм къызэралъэщрэ илъэс 80 мы гъэм зэрырикъум ипкъ иту «Россети Северный Кавказ»-м Аллеер хэсэныр игъэзащIэ проектхэм языхэзщ.
ГЪУКIЭКЪУЛ Иринэ
Больше на Черкес хэку
Подпишитесь, чтобы получать последние записи по электронной почте.
