Урысейм и Махуэм хуэгъэза хъуэхъухэр

Урысейм, СКФО-м я лIыщхьэхэм Къэрэшей-Черкес Республикэм и Iэтащхьэ Темрезов Рэшид, хэгъуэгум щыпсэухэм къэрал махуэщIымкIэ хъуэхъухэр къыхуагъэфащэ. ПУТИН Владимир, УФ-м и Президент: «Сывохъуэхъу Урысейм и МахуэмкIэ! Дэ дрогушхуэ ди Хэкум и тхыдэ щэджащэм, лъэпкъым и зэфIэкI телъыджэхэм, дыкъызытекIахэм я уэсятхэр догъэщыпкъэ. Хэкур фIыуэ тлъагъуу, абы и къэкIуэнум жэуаплыгъэкIэ дыбгъэдыхьэу дызэрыпсэум ди гур хегъахъуэ, къару къыдет, дэIэпыкъуэгъу къытхуохъу дызэщIыгъуу лъэпощхьэпохэм дебэкъуэну, зыхуэдгъэувыжа мурадхэр зыIэрыдгъэхьэну. ЕхъулIэныгъэрэ фIыгъуэу щыIэмрэкIэ!».

МИШУСТИН Михаил, УФ-м и Правительствэм и тхьэмадэ: «Сывохъуэхъу Урысейм и МахуэмкIэ! Мы махуэщIым дызэкъуегъэувэ зи къэралымкIэ гушхуэхэр, зи тхыдэр, зи текIуэныгъэхэмрэ ехъулIэныгъэхэмрэ зыхъумэхэр. Сыхьэзырщ вдэзгуэшыну абы и нобэмрэ и къэкIуэнумрэ хуэзгъэтIылъ жэуаплыгъэр. Урысейр сыт щыгъуи хущIэкъуащ и хьэлэмэтхэр ихъумэным, и зыужьыныгъэр шынагъуэншэу, хуиту щытыным. Нобэ, сыт щыгъуи хуэдэу, дэ тхъумэн хуейщ ди зэкъуэтыныгъэмрэ Хэкум и хуитыныгъэмрэ, абы и щэнхабзэ щIэин лъапIэр, щIэблэхэм зэIэпах тхыдэр, зэхъуэкIыныгъэ ин зыгъуэт дунейм уасэншэ лъапIагъэхэр зыхъумэ и лъабжьэу дыкъэнапхъэщ».

ЧАЙКА Юрий, УФ-м и Президентым и Полномочнэ лIыкIуэу СКФО-м щыIэ: «Си гум къыбгъэдэкIыу сывохъуэхъу Урысейм и МахуэмкIэ! Нобэ и щIыхьыр догъэлъапIэ илъэс мин бжыгъэ тхыдэ, щIэин къызэрымыкIуэ зиIэ къэралым — Урысей щэджащэм, лъэпкъ, щэнхабзэ куэдыщэ зи утыку иным щызэкъуэзыгъэувэм. Дэ псори — дызыурысей лъэпкъщ, сыт хуэдиз лъэпощхьэпорэ гугъуехьрэ ди фэ къыдэмыхуэми, дыхьэзырщ къарууэ диIэр етхьэлIэу Хэкур тхъумэну, абы адэкIи зиужьын, хэхъуэн, ефIэкIуэн папщIэ, хабзэ псэкупсэ уасэншэхэр къытщIэхъуэ щIэблэхэм яIэщIэтлъхьэну. Лъэпкъ Пашэм, ди Президент Путин Владимир и губзыгъагъым дыдэкIуатэу, махуэ къэси цIыху мелуан бжыгъэм гуащIэдэкI узыншэ ягъэтIылъ, хахуэу ди лIыхъужьхэр зауэм Iутщ, ди къэралым и хьэлэмэтхэр яхъумэу. Узыншагъэ быдэкIэ, насыпкIэ, дяпэкIэ ехъулIэныгъэхэмкIэ, а псори — Урысейм и щIыхькIэ!».

Урысейм и МахуэмкӀэ ди гуапэу дывохъуэхъу! Мы махуэшхуэр ди къэралым и лъэпкъ зэкъуэтыныгъэм, и лъэщагъым, и щхьэхуитыныгъэм я дамыгъэ хъуащ. Ар и гум илъщ илъэс минищэ зи тхыдэ ди къэралышхуэм щыпсэу, зи Хэкур фӀыуэ зылъагъу, абы иригушхуэ дэтхэнэми. ЛӀыщӀыгъуэ куэд хъуа тхыдэм лӀыхъужьыгъэ щызэрахьа напэкӀуэцӀищэ бжыгъэ хэлъщ, абыхэм дэ хуэфащэу дрогушхуэ! Абыхэм ящыщ зыщ Хэку зауэшхуэм ди цӀыхубэм къыщахьа ТекӀуэныгъэр. ТекӀуэныгъэ Иным и Илъэс 80-р къэралым игъэлъапӀэу зэрыщытым дуней псом ирегъэлъагъу щӀэблэхэр зэрызэпыщӀар. Фашизмэм текӀуа лӀыхъужьым и лӀыгъэм зралъыту, иджырей Хэкур зыхъумэхэм а лӀыгъэлъэщагъ дыдэр къагъэлъагъуэ шынагъуэншагъэмрэ мамырыгъэмрэ щӀэбэнкӀэрэ. Ди лъэпкъ УнафэщӀым, УФ-м и Президент Путин Владимир Владимирович къуэувауэ Урысейм и лъэпкъ куэду зэхэт цӀыхубэм мы зэман мытыншым псэ быдагъэ, дзыхь зэхуэщӀыныгъэ, тегушхуэныгъэ къагъэлъагъуэ. УФ-м и Президентым къыхилъхьа Хэкум и хъумакӀуэм и Илъэсым хэкупсагъэ, Хэку, къалэн псалъэхэм мыхьэнэ щхьэхуэ къащтэ. Нобэ япэ ирагъэщ Ӏуэхугъуэхэм ящыщ зыщ икӀи дяпэкӀи апхуэдэу щытынущ СВО-м хэтхэмрэ абыхэм я унагъуэхэмрэ ядэӀэпыкъуныр. Фэ фи адэшхуэхэмрэ дадэшхуэхэмрэ я щӀэблэ нэсу фыщытщ! ИкӀи ди гуапэ дыдэу фэркӀэ догушхуэ, ди Хэкум — Урысейм ТекӀуэныгъэр зэреинур ди фӀэщ мэхъу. Нобэ Урысейр — къэрал лъэщщ, къарууфӀэщ, езым и гъуэгукӀэ макӀуэ, и блэкӀам ирогушхуэ, нобэрей махуэр гушхуэу еухуэ, къэкӀуэнуми хахуэу йоплъ! ИкӀи ди къэралым щыпсэу лъэпкъ куэдым ящыщ дэтхэнэми зыхищӀэн хуейщ пщэдейрей махуэр ухуэнымкӀэ и пщэ къыдэхуэ жэуаплыгъэр, абы зэрыхэтыр. Къэрэшей-Черкесыр сыт щыгъуи цӀэрыӀуэу щытащ и цӀыху лэжьакӀуэхэмкӀэ, ухуакӀуэхэмкӀэ, хэкупсэхэмкӀэ. Дэ ди гуапэу дрогушхуэ къыздалъхуа республикэм, къэралым зегъэужьыным зи лэжьыгъэкӀэ зи гуащӀэ хэзылъхьэ дэтхэнэ зыми. Дызэгъусэу псори дгъэзэщӀэнущ Урысейм и цӀэр сыт щыгъуи лъагэу, пагэу зэхахынымкӀэ! Ди хэкуэгъу лъапӀэхэ, узыншагъэ быдэ, фӀыгъуэ, насып, ефӀэкӀуэныгъэ фиӀэну!

ТЕМРЕЗОВ Рэшид, Къэрэшей-Черкес Республикэм и Ӏэтащхьэ

ИВАНОВ Александр, Къэрэшей-Черкес Республикэм и ЦӀыхубэ ЗэӀущӀэм (Парламентым) и тхьэмадэ

АРГУН Мурат, Къэрэшей-Черкес Республикэм и Правительствэм и тхьэмадэ