Малэ Зеленчук (Ботэщей) къуажэм къыдэкIа спортсмен лъэрыхь ТАМБИЙ Адемыркъан мы махуэхэм дыщэ медалыр къыщихьащ дуней псом самбокIэ и чемпионатым. Спорт зэхьэзэхуэр щекIуэкIащ Индонезием.
Абдеж зыкъыщагъэлъэгъуащ дуней хъурейм тет къэрал 33-м къабгъэдэкIа самбист лъэрыхь дыдэхэм, зи ныбжьыр илъэс 18-20-м итхэм (юниорхэм). Зи хьэлъагъыр килограмм 88-м нэсхэр зыхэта гупым зыкъыщызыгъэлъэгъуа Адемыркъан утыкум зэпэщIэтыныгъищ щригъэкIуэкIащ. Ди хэкуэгъу самбистым къыпэщIэтащ Таджикистаным, Узбекистаным, Армением къабгъэдэкIа спортсменхэр. ИкIи, дэтхэнэм дежи Тамбийм бжьыпэр щызыIэригъыхьащ. Фигу къэдгъэкIыжынщи, Адемыркъан самбокIэ Дунейпсо пашагъэр нэгъабэ япэрейуэ къилъэщауэ щытащ. НобэкIэ спортсменыр къызыбгъэдэкIыр Москва къалэращ.
НыбжьыщIэ чемпионым и гъэсакIуэщ Кабанов Дмитрий, Братхэ Къаплъэн, Уэз Мыхьэмэт сымэ. Дуней хъурейм адыгэу тетыр щогуфIыкI Адемыркъан и текIуэныгъэм. Дыхуейщ адэкIи спорт лъагапIэ инхэр зыIэригъыхьэну, ефIэкIуэну, адыгэцIэр и ехъулIэныгъэ лъагэхэмкIэ иIэтыну!
АБИДОКЪУЭ Люсанэ
Больше на Черкес хэку
Подпишитесь, чтобы получать последние записи по электронной почте.
