Къэрэшей-Черкесым и Iэтащхьэ Темрезов Рэшид республикэм и антитеррор комиссэм, Оперативнэ штабымрэ Координационнэ штабымрэ зэIущIэ ядригъэкIуэкIащ. Ар теухуауэ щытащ сепаратизмэм, лъэпкъ зэхэгъэжыныгъэм, экстремист гъэпсыкӀэ зиӀэ щӀэпхъаджагъэхэм япэщIэтыным, ахэр къэмыгъэхъуным.
«ИлъэсыщIэ, хъуромэ (рождественскэ) махуэщIхэм цIыхухэм я шынагъуэншагъэр къызэгъэпэщыным ехьэлIа Iуэхухэм дытепсэлъыхьащ. Къулыкъухэм я унафэщӀхэм сыщагъэгъуэзащ жылагъуэ зэпIэзэрытыныгъэр, цIыхухэм я шынагъуэншагъэр къызэгъэпэщыным хуэунэтӀауэ ящӀэ Ӏуэхухэм, абыхэм ящыщу цӀыху куэд щызэхуэс щӀыпӀэхэмрэ сабий ӀуэхущӀапӀэхэмрэ зэрахъумэм. Гулъытэ хэха хуащӀащ террорым пэщӀэт лъэпкъ комитетым и унафэхэр гъэзэщӀа зэрыхъум: терроризмэм, неонацизмэм, экстремизмэм япэщӀэтынымкӀэ ялэжьыну Ӏуэхухэм тепсэлъыхьащ. Мыхьэнэшхуэ иӀэщ щӀалэгъуалэм республикэм и егъэджэныгъэ ӀуэхущӀапӀэхэм профилактикэ лэжьыгъэ ядегъэкӀуэкӀыным. КъинэмыщӀауэ, лъэпкъ, дин зэхущытыкӀэхэмкӀэ ӀэнатӀэхэм щыӀэ щытыкӀэхэр зэпкърытхащ, къулыкъухэм я зэдэлэжьэныгъэм и фӀагъыр къы зэраӀэтыну, лъэпкъ, дин зэкъуэтыныгъэхэр адэкӀи зэрыдгъэбыдэну Ӏэмалхэр дгъэбелджылащ», – щитхащ Темрезов Рэшид МАХ-м.
ЗэӀущӀэм къыщапщытэжащ КъЧР-м и антитеррор комиссэм, республикэм и муниципальнэ къэхъугъэхэм я АТК-хэм 2025 гъэм ялэжьахэр икӀи 2026 гъэм япэ ирагъэщыну къалэнхэмрэ унэтӀыныгъэ нэхъыщхьэхэмрэ ягъэбелджылащ. Ди корр.
Больше на Черкес хэку
Подпишитесь, чтобы получать последние записи по электронной почте.
