ПУТИН Владимир, Урысей Федерацэм и Президент:
«ПщIэ зыхуэсщI Къэрэшей-Черкесым и Iэтащхьэ Темрезов Рэшид, хэгъуэгум щыпсэухэ!
Сывохъуэхъу мыхьэнэшхуэ зиIэ, тхыдэ къэхъукъащIэ МахуэмкIэ — Хэку зауэшхуэм ТекIуэныгъэр къызэрыщытхьрэ илъэс 80 зэрырикъум и щIыхькIэ! Ди адэхэм, адэшхуэхэмрэ адэжьхэмрэ яхэлъ лIыгъэр, гуеигъэр, псэ-хэкупсагъэр къащхьэпащ Хэкум и хуитыныгъэмрэ щхьэхуитыныгъэмрэ яхъумэнымкIэ, нацизмэр зэхакъутэнымкIэ, Европэмрэ дуней псомрэ кърагъэлынымкIэ. Дэ ди хэкупсэ къалэнщ — абыхэм мыкIуэдыжын я лIыхъужьыгъэм хуэфащэу дыщытыныр, пщIэ диIэу Хэкум къулыкъу хуэщIэныр. Сывохъуэхъу ехъулIэныгъэ, фIыгъуэрэ гуапагъэу щыIэр къыфлъысыну!»
Ди ветеран, тылым и лэжьакІуэ лъапІэхэ, пщІэ зыхуэтщІ ди хэкуэгъухэ!
Ди гум къыбгъэдэкIыу дывохъуэхъу лIыгъэм, зэкъуэтыныгъэмрэ псэ къару быдагъэмрэ я нагъыщэ махуэщI лъапIэмкIэ — ТекIуэныгъэ Иным и Илъэс 80-мкIэ!
Илъэс 80-кIэ узэIэбэкIыжмэ, гъащIэ мелуан бжыгъэ щхьэузыхь хуищIу, хэщIыныгъэ къызэрымыкIуэхэр ихьу, зыхуэбгъэдэн щымыIэ гуеигъэкIэ нацизмыр совет цIыхубэм зэхикъутэри, зэрыдунейуэ мамырыгъэр, къэкIуэнумкIэ фIэщхъуныгъэр тыгъэ яхуищIащ. Гъэунэхуныгъэ шынагъуэм, фронтым щагъэлъэгъуа лIыгъэм, тылым щызыIэрагъэхьа гуащIэдэкI ехъулIэныгъэхэм ятеухуа жэщ-махуэ 1418-р игъащIэкIи фэеплъу къытхуэнащ. Захудогъэщхъ ТекIуэныгъэр къэзыхьа ЩIэблэм — пщIэ зыхуэтщI ди ветеран лъапIэхэм, илъэс къэс нэхъ мащIэ хъухэм. Дэ ди къалэнщ зауэм и пэжыпIэр къытщIэхъуэ щIэблэм янэтхьэсыныр, зауэм щхьэузыхь зыхуэзыщIа зы зауэлIи, зы текIуэныгъи тщымыгъупщэн папщIэ.
Къэрэшей-Черкесыр и лIыхъужьхэм ирогушхуэ: ди хэкуэгъу мин 46-рэ Хэку зауэшхуэм и фронтхэм щызэуащ, мин бжыгъэ тылым щылэжьащ, ТекIуэныгъэр къагъэгъунэгъуу.
Абыхэм я цIэхэр республикэми, ди къэралми я тхыдэм мыкIуэдыжыну хатхащ.
Мы юбилей ТекIуэныгъэм и Махуэм иджыри зэ дигу къегъэкIыж ди къэралым и къарур зэкъуэтыныгъэрауэ зэрыщытыр. Дывохъуэхъу узыншагъэ быдэкIэ, унагъуэ зэIузэпэщыныгъэкIэ, гукъыдэжкIэ, фIэщхъуныгъэкIэ! Дяпэ итахэм я лIыгъэр Урысейм и щIэрэщIэныгъэм хуэунэтIа ди зэфIэкIыщIэхэм дытезыгъэгушхуэн ирехъу!
ТЕМРЕЗОВ Рэшид, Къэрэшей-Черкес Республикэм и Іэтащхьэ
ИВАНОВ Александр, Къэрэшей-Черкес Республикэм и ЦІыхубэ ЗэІущІэм (Парламентым) и тхьэмадэ
АРГУН Мурат, Къэрэшей-Черкес Республикэм и Правительствэм и тхьэмадэ
ПщIэ зыхуэтщI ди хэкуэгъухэ!
ЩIыхь зыхуэтщIу, Хэку зауэшхуэм и ветеранхэ, тылым щылэжьахэ!
Сывохъуэхъу Хэку зауэшхуэм ТекIуэныгъэр къызэрыщытхьрэ илъэс 80 зэрырикъумкIэ!
ТекIуэныгъэм и Махуэр — дызэрыгушхуэщ, ди зэкъуэтыныгъэм, лIыхъужьыгъэм, бэшэчыгъэм, гуеигъэмрэ Хэкум худиIэ фIылъагъуныгъэ мыкIуэщIымрэ я нагъыщэщ.
Накъыгъэм и 9-р щытащ махуэ хэIэтыкIауэ, апхуэдэуи къонэж. Ар ди къэралым и тхыдэм хэмыкIыжыну къыхэнащ. 2025 гъэр УФ-м и Президентым Хэкум и хъумакIуэм и Илъэсу игъэуващ. Абы къегъэлъагъуэ дуней псор фашизмэм щызыхъумахэмрэ зауэ операцэ хэхам хэт, ди къэралым и шынагъуэншагъэмрэ и хуитыныгъэмрэ нобэ зыхъумэ ди къулыкъущIэхэмрэ фIыщIэ зэрахуэтщIыр.
Ди къалэныр — зэкъуэтыныгъэкIэ, зэрыубыдыныгъэкIэ, гуащIэдэкIкIэ, Хэку фIылъагъуныгъэкIэ мамырыгъэр, хуитыныгъэмрэ щхьэхуитыныгъэмрэ щIэблэм къахуэзыхьа ди цIыхухэм я лIыхъужьыгъэм и фэеплъыр тхъумэнращ. Си гум къыбгъэдэкIыу сывохъуэхъу насып, зэIузэпэщыныгъэ, узыншагъэ, мамыр гъащIэ фиIэну, текIуэныгъэщIэхэр зыIэрывгъыхьэну!
КЪЭЗЭНОКЪУЭ Кърым,
Урысей Федерацэм и Федеральнэ ЗэIущIэм ФедерацэмкIэ и Советым КъЧР-м къыбгъэдэкIыу хэт сенатор
Больше на Черкес хэку
Подпишитесь, чтобы получать последние записи по электронной почте.
