Къэрэшей-Черкесым и Iэтащхьэ ТЕМРЕЗОВ Рэшид лэжыгъэ IуэхукIэ IущIащ Къэрэшей-Черкесым физическэ щэнхабзэмрэ спортымрэкIэ и министр Узденов Рэшид. ЗэIущIэм къыщаIэтащ республикэм физическэ щэнхабзэмрэ спортымрэ зэрызыщаужьым епха Iуэхухэр.
Абыхэм яхэтщ ди спортсменхэм я гъэлъэгъуэныгъэхэр, спорт псэуалъэщIэхэр ухуэнымрэ щыIэххэхэр зэманым тегъэпсыхьыжынымрэ, республикэм щыпсэу цIыхухэр, псалъэм и жыIэгъуэкIэ, сабийхэмрэ щIалэгъуалэмрэ, физическэ щэнхабзэмрэ спортымрэ ядегъэхьэхыныр.
Республикэм деж физическэ щэнхабзэмрэ спортымрэ зэкIэлъыкIуэу пылъхэм я бжыгъэр хохъуэ зэпыт. Гулъытэ хэха хуащI еджакIуэ, студент спортым, абы дэщIыгъуу, къуажэ щIыпIэхэм щыпсэу цIыхухэр спортым дегъэхьэхыным. Щхьэхуэу ирипсэлъащ спорт инфраструктурэм зегъэужьыным и планым. Мы зэманым республикэм щаухуэ физкультурно-оздоровительнэ комплексхэр, модульнэ бассейн, мыл уардэунэр, спорт ут къызэрымыкIуэхэр, зэрагъэзэхуэж Черкесск къалэм и гимнастикэ еджапIэр.
ГЪЭЛ Хьэмыщэ
Больше на Черкес хэку
Подпишитесь, чтобы получать последние записи по электронной почте.
