Къэрэшей-Черкес Республикэм щыпсэу цІыхухэм социальнэ хуэІухуэщІэхэр тыншу, псынщІэу ягъэгъуэтынымкІэ лэжьыгъэр егъэфІэкІуэным пащэ. Къалэн нэхъыщхьэхэм языхэзщ цІыхухэм я зэхэзекІуэр тынш щІыныр. Мы лъэныкъуэр нэхъыбэу зэгъэзар зи узыншагъэкІэ дагъуэ зиІэ цІыхухэмрэ сабийхэмрэщ.
Апхуэдэ къалэныр гъэзэщІэным и зы Іэмалу, «Лада Веста» машинэ псынщІи 3 иратащ республикэм и социальнэ ІуэхущІапІэхэм. Республикэ бюджетым къыхэкІ ахъшэкІэ къащэхуа апхуэдэ машинэхэр ІэщІагъэхьащ «Забота» унэ-интернатым, «Надежда» реабилитацэ купсэм, къалэ сабий Унэм.
Машинэхэм я техническэ щытыкІэр щІаплъыкІащ, зыхуей хуагъэзащ икІи куэд мыщІэу социальнэ ІуэхущІапІэхэм къыщагъэсэбэпын щІадзэнущ. «ЖыІэпхъэщи, республикэм щыпсэухэм я псэукІэр тынш щІыным, егъэфІэкІуэным теухуа лэжьыгъэр, социальнэу къызэгъэпэщыныр зэпымыууэ йокІуэкІ. Ар и купщІэу, федеральнэ дэІэпыкъуныгъэ Іэмалхэм къанэмыщІауэ, хэгъуэгум къыбгъэдэкІахэри пхагъэкІ. Апхуэдэщ гъащІэм щытыкІэ хьэлъэм иригъэувахэм социальнэу защІэгъэкъуэныр, быныбэ унагъуэхэм, зи узыншагъэкІэ дагъуэ зытелъхэм ядэІэпыкъуныр, зауэ операцэ хэхам хэтхэмрэ абыхэм я унагъуэхэмрэ сыт щыгъуи ящІыгъуныр, нэгъуэщІ социальнэ дэІэпыкъуныгъэ Іэмалхэри. Псори зыхуэунэтІар Къэрэшей-Черкесым щыпсэухэм я гъащІэр зэIузэпэщ щIынращ», — телеграм-каналым щиIэ напэкIуэцIым щитхащ КъЧР-м и Іэтащхьэм.
Больше на Черкес хэку
Подпишитесь, чтобы получать последние записи по электронной почте.
