ШыщхьэIу мазэм «Архъыз» курортым щIыуэпс лъэс зекIуапIэу километри 8 метр мини 2,8 лъагагъым къыщызэIуахынущ. ИджыкIэ курортым апхуэдэ лъэс зекIуапIэу километр 44-рэ иIэщ. ШыщхьэIу мазэм ипэхэм ехъулIэу, курортым и ищхъэрэ егъэзыхыгъуэмкIэ зекIуапIитI къыщызэIуахынущ.
ТIури ику ит хьэлъагъ нагъыщэ зиIэу щытынущ, къыщыщIидзэнущ «Апполон» канат гъущI гъуэгум и ищхьэ станцым. Апхуэдэуи, станцым и лэжьыгъэр гъэмахуэ пIалъэм ирагъэжьэныр япэу къэхъуну Iуэхущ. Километр 1,3-рэ зи кIыхьагъыу щытыну зы зекIуапIэр бгы тхыцIэм ирикIуэнурэ Габулу папцIапIэм (метр 3030) щиухынущ. Абдеж щиIэ зыплъыхьыпIэ утыкум уиту Темир-Кулак бгыхэр, абыхэм я цIэ джэгъу псы аузым, Къарэ-Су гуэлым, Архъыз и нэхъ лъагэ дыдэ Пшиш бгым защыбгъэнщIыху уеплъыфынущ. Километри 7 зи кIыхьагъ Дуккинскэ зекIуапIэр зыкIуну туристхэм къапоплъэ щIыуэпс щIыпIэ телъыджэ зыбжанэ. ЗекIуэр Дуккэ бгылъэ псым щиухынущ. Абдежращ курорт кемпингым и щытыпIэу щытынури. «ЩIыуэпс зекIуапIэщIэхэр КъэрэшейЧеркесым и купсэм къыщыгъэщIыныр республикэм и туризмэм и зыужьыныгъэм, щIыуэпсыр хъумэным хуэзышэ лъэбакъуэщ. Шэч хэлъкъым, зекIуапIэщIитIри Архъыз и дыщэ фондым щыщ Iыхьэ хъунущ», — къет «Архъыз» УК-м и генеральнэ унафэщIым и пресс-къулыкъум.
ТУАРШЫ Ирэ
Больше на Черкес хэку
Подпишитесь, чтобы получать последние записи по электронной почте.
