«Встреча с мужеством» проектым ипкъ иту Адыгэ-Хьэблэ курыт еджапIэм щыIэ «Авангард» купсэм е 9-нэ классым щеджэ ныбжьыщIэхэм щаIущIащ СВО-м хэта ЧАПУРЭ Виталийрэ ГУСХЭ Замиррэ.
Мыр щIэблэ зэхуэмыдэхэм я зэIущIэ къудей мыхъуу, ныбжьыщIэ машинэхэм лъэкIыныгъэ яIащ СВО-р зи нэгу щIэкIахэм, зауэ тхыдэм щыгъуазэхэм ядэпсэлъэн, зыгъэпIейтей упщIэхэри иратын.
НыбжьыщIэхэм щапхъэкIэ ялъэгъуащ Хэкум лъагъуныгъэ хууиIэным и къарур, лIыхъужьхэр гъащIэм къызэрыддэгъуэгурыкIуэр. Абы къыдэкIуэу, дзэм къулыкъу щыщIэным щIыхь зэрыпылъым, Хэкум хуэщыпкъэным куууэ къытепсэлъыхьахэщ.
Гулъытэ щхьэхуэ хуащIащ тылым икIыу зауэ операцэ хэхам хэтхэм яIэрыхьэ, гу хуабагъкIэ гъэнщIа тхыгъэхэм, псапащIэ гулъэхэм. Абыхэм къулыкъущIэхэм я дежкIэ къызэрымыкIуэу мыхьэнэшхуэ зэраIэр жаIащ ныбжьыщIэхэм къахуеблэгъа лIыхъужьхэм.
АБИДОКЪУЭ Люсанэ
Больше на Черкес хэку
Подпишитесь, чтобы получать последние записи по электронной почте.
