УФ-м и Правительствэм и тхьэмадэ Мишустин Михаил Ломоносов М. и цӀэр зезыхьэ Москва къэрал университетым и ректор, щӀэныгъэлӀ гъуэзэджэ, академик, жылагъуэ Ӏуэхузехьэ Садовничий Виктор Урысейм и Правительствэм щӀэныгъэмрэ техникэмрэ я лъэныкъуэкӀэ и Саугъэтыр иритащ «МГУ-м и Кавказ къурш обсерваторэ» егъэджэныгъэ-щӀэныгъэ астрономическэ комплексыр къызэрызэрагъэпэщам, зэрызрагъэужьым, щӀэныгъэ Ӏуэхугъуэ гъуэзэджэхэр къызэрыщагъэщӀым папщӀэ.
Саугъэтыр хуагъэфэщащ МГУ-м и щӀэныгъэлӀ академикхэм, Кавказ къуршыщхьэм и щӀыпӀэ гъуэзэджэм щыӀэ обсерваторэм и лэжьакӀуэхэм. Абы дунейпсо астрономие щӀэныгъэм хэлъхьэныгъэшхуэ хуещӀ, технологие пэрытхэмрэ къэхутэныгъэ лъабжьэхэмрэ зэкъуигъэувэкӀэрэ, ныбжьыщӀэ еджагъэшхуэхэр игъэхьэзыркӀэрэ. «ДэркӀэ щӀыхьышхуэщ, гушхуэныгъэщ КъэрэшейЧеркесым и щӀыналъэм къэкӀуэныфӀ зиӀэ апхуэдэ щӀэныгъэ проект ин зэрыщагъэзащӀэр, мы щӀэныгъэ Купсэм ди республикэр унэ зэрыхуэхъуар. Обсерваторэм и лэжьыгъэ псори зи жьауэм щӀэт Садовничий Виктор Антоновичрэ сэрэ куэд щӀауэ зэныбжьэгъугъэ зэдэлэжьэныгъэ дяку дэлъщ! КъЧР-мрэ МГУ-мрэ зэрызэдэлажьэм и хьисэпкIэ егъэджэныгъэм, щӀэныгъэм, щӀалэгъуалэ политикэм я лъэныкъуэкӀэ сэбэп къихьу заужь. А зэпыщӀэныгъэм и фӀыгъэкӀэ, ди республикэм щыщ щӀалэгъуалэ зэчиифӀэм ящыщу цӀыхуищэ бжыгъэм ди къэралым и университет нэхъыфӀхэм ищхьэ щӀэныгъэ щагъуэт, Урысейм и щӀэныгъэ, жылагъуэ ехъулӀэныгъэхэм хэлъхьэныгъэ хуащӀ, Къэрэшей-Черкесым и цӀэр урысейпсо, дунейпсо утыкухэм щызыӀэтыфын цӀыху щыпкъэхэр къахокӀ. Си гуапэу сохъуэхъу академик Садовничий Виктор Антонович, щӀэныгъэлӀхэм псоми къыхуагъэфэща саугъэтымкӀэ! Урысейм и щӀэныгъэ лъэщыргъэбыдэнымкӀэ мыкӀуэщӀ къарурэ ехъулӀэныгъэрэ фиӀэну!», — республикэм и Ӏэтащхьэм МАХ-м щиӀэ и напэкIуэцӀым щитхащ. КъинэмыщӀауэ, апхуэдэ саугъэтыр хуагъэфэщащ Щохъужь Анатолэ, Нижегородов Игорь, ныбжьыщIэ еджагъэшхуэ Семипятнов Владислав сымэ.
Больше на Черкес хэку
Подпишитесь, чтобы получать последние записи по электронной почте.