Москва къалэм дэт «Урысей» Лъэпкъ Купсэм щызэхашащ егъэджакIуэхэм я Урысейпсо съездыр. Мыхьэнэшхуэ зрат мы Iуэхугъуэм зэришэлIащ цIыху 1300- рэ — педагогхэр, IэщIагъэлIхэр, къэрал унафэщI къулыкъухэм, жылагъуэ организацэхэм, Урысей Федерацэм и хэгъуэгухэм я ищхьэ еджапIэхэм я лIыкIуэхэр.
Съездыр тещIыхьащ щхьэихарэ гъерэтыфIэу гъэпса зэпсэлъэныгъэм егъэджакIуэхэр къыхэшэным. Егъэджэныгъэ бэзым щIэуэ игъуэтыпхъэ зэхъуэкIыныгъэхэм я кIуэрабгъу нэхъыщхьэхэр, зэрырагъаджэ программэхэм я зэхэлъыкIэр зэманым тегъэпсыхьыжын, педагогхэр гъэхьэзырын, абыхэм щIэгъэкъуэн яхуэхъун, я гуащIэм пэкIуэн улахуэ къагъэхьын, IуэхущIапIэ тыншкIэ къызэгъэпэщын зэрыхуейм ехьэлIа упщIэхэр къыхалъытэнущи, псалъэмакъ нэхъыщхьэу къаIэтынумкIэ псоми я гулъытэр хуаунэтIынущ 2036 гъэм пщIондэ егъэджэныгъэм зегъэужьынымкIэ хэкIыпIэу мызыгъуэгум щыIэм.
Ди республикэм къыбгъэдэкIыу съездым ягъэкIуащ КъЧР-м егъэджэныгъэмрэ щIэныгъэмрэкIэ и министр Кравченко Иннэ зи пашэ гуп: ведомствэм хыхьэ къудамэхэм я лIыкIуэхэр, еджапIэхэм я унафэщIхэр, педагогхэр. ЕгъэджакIуэхэм я съездым кIуахэм телеграммэкIэ захуигъэзащ Урысей Федерацэм и Президент Путин Владимир. Ди къэралым и лIыщхьэм итха тхыгъэм къыщыхигъэщащ къэралым и къэкIуэнур ухуэнымкIэ форумым мыхьэнэ шхуэ зэриIэр, революцэм ипи, совет зэманми, иджырей лъэхъэнэми урысей егъэджэныгъэм игъуэта лъабжьэ быдэмрэ щIыдэлъху педагогикэм щызэфIэува хабзэ нэхъыфIхэмрэ зэрытхъумам куэд къызэришур.
Съездым теухуауэ темэхэмкIэ доклад къащIащ УФ-м и Правительствэм и тхьэмадэм и къуэдзэ Чер нышенко Дмитрий, егъэджэныгъэмкIэ и министр Кравцов Сергей, щIэныгъэмрэ ищхьэ егъэджэныгъэмрэкIэ и министр Фальков Валерий, Рособрнадзорым и унафэщI Музаев Анзор, щIалэгъуалэ IуэхухэмкIэ Федеральнэ агентствэм и унафэщIым и къуэдзэ Аширов Денис сымэ.
Больше на Черкес хэку
Подпишитесь, чтобы получать последние записи по электронной почте.
