2025 гъэм накъыгъэм (майм) и 2-м щегъэжьауэ накъыгъэм и 29-м нэс Къэрэшей-Черкес Республикэм хыхьэ Тебэрды къалэм дэт «Кавказым и налкъутналмэс», Домбай жылагъуэм дэт «Адель» лагерхэм Луганскэ ЦӀыхубэ Республикэм и Старобельскэ муниципальнэ хэгъуэгум щыщ сабий 320-м зыщагъэпсэхуащ.
Гъэмахуэ зыгъэпсэхугъуэр еджакӀуэхэм къыхузэӀуахащ КъЧР-мрэ Луганскэ ЦӀыхубэ Республикэм и Старобельскэ муниципальнэ хэгъуэгумрэ зэращӀылӀа зэгурыӀуэныгъэм ипкъ иту, ди хэгъуэгум и Ӏэтащхьэ Темрезов Рэшид и унафэкӀэ.
Дигу къэдгъэкӀыжынщи, псори зэхэту мы гъэм узыншагъэр зыгъэбыдэ гъэмахуэ зыгъэпсэхугъуэм ипкъ иту ди щӀыналъэм къеблэгъэнущ Луганскэ ЦӀыхубэ Республикэм и Старобельскэ муниципальнэ хэгъуэгум щыщ сабий 750-рэ. Абыхэм къапоплъэ зэхыхьэ гъэщӀэгъуэнхэр, зекIуэ-нэгузыужьхэр хьэщӀэгъафӀэ республикэм и хабзэхэм зыщагъэгъуэзэныр.
ЕджакӀуэхэр зыхуэныкъуэ псори яхузэгъэпэщащ, абыхэм я лъабжьэщ, псом япэу, тыншыгъуэмрэ шынагъуэншагъэмрэ. Сабийхэм хуагъэхьэзыра программэм и лъабжьэ хъуащ унагъуэ хабзэу щыӀэхэр, сабийхэр гъэсэным, абыхэм я къэралым фӀылъагъуныгъэ хуаӀэным ятеухуа Ӏуэхугъуэхэр.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
