«Зыуэ щыт Урысей» партым иригъэкIуэкIа «Хэкум и хъумакIуэр сабийхэм я нэхэмкIэ» сурэт зэпеуэр къипщытэжащ.
Партым и хэгъуэгу къудамэм зэпеуэм хэтыну республикэм щыпсэу ныбжьыщIэхэм я лэжьыгъэ 700-м щIигъу къекIуэлIащ. Сурэтхэр ягъэхьэзыращ сабий IыгъыпIэхэм, гъуазджэмкIэ сабий еджапIэхэм, курыт еджапIэхэм щеджэ хэм, уеблэмэ япэ курсхэм хэс студентхэм.
Зэпеуэр къэзыпщытэж Комиссэм хэтщ КъЧР-м щэнхабзэмкIэ, егъэджэныгъэмрэ щIэныгъэмрэкIэ я Министерствэхэм я лIыкIуэхэр, республикэм сабийхэм я хуитыныгъэр хъу мэнымкIэ и Уполномоченнэр, сурэтыщI цIэрыIуэхэр, художественнэ еджапIэхэм я егъэджакIуэхэр, партпроектхэм я кIэлъыплъакIуэхэр. Мы Iуэхум нэхъыфIыр щыгъэбелджылынымкIэ кIэлъыплъакIуэхэм гулъытэ хуащIащ сурэтхэр темэм те хуэу зэрыщытым, абы къыщыгъэлъэгъуа композицэр зыхуэдэм, авторым и бгъэдыхьэкIэр къэгъэлъэгъуа зэрыхъуам. Лэжьыгъэхэм псори хэплъа нэужь, жюрим игъэбелджылащ нэхъыфIхэр.
Ахэр ныбжькIэ Iыхьищу ягуэшащ. Нэхъ цIыкIу дыдэхэм деж ещанэ увыпIэр Башкаевэ Аланэ, етIуанэр — Кочкаровэ Султанэ, езанэр — Лащ Роман хуагъэфэщащ. Илъэси 7-11 хъу гупым ещанэ увыпIэр Титомир Татьянэ, етIуанэр —ПIаз Аринэ, езанэр — Хубиевэ Амелие иратащ. Илъэс 12-18-м ит ныбжьыщIэхэм нэхъыфI дыдэу къыхахащ Хъупсырджэн Аделинэ ищIа сурэтыр. ЕтIуанэ увыпIэр — Демченко Егор, ещанэр — Гордиенко Софье лъысащ. Сабийхэм ягъэхьэзыра сурэтхэр ди республикэм, къалэхэмрэ районхэмрэ щрагъэкIуэкIыну гъэлъэгъуэныгъэхэм хэтынущ. ИужькIэ, СВО-м щыIэхэм псапащIэ гулъэр щыхурагъашэкIэ, ахэри дащIыгъунущ. Мы творческэ зэпеуэр «Зыуэ щыт Урысей» партым и хэгъуэгу къудамэм къызэригъэпэщащ, Хэкум и хъумакIуэм и Махуэм хуэкIуэу, «Тхыдэ фэеплъ», «ЕджапIэщIэ», «Урысейм и бзылъхугъэ зэщIэхъееныгъэ» парт проектхэм я къэухьым къриубыдэу. БОРЭНЫКЪУЭ Мадинэ
Больше на Черкес хэку
Подпишитесь, чтобы получать последние записи по электронной почте.
