Сабийхэр хъумэным и Лъэпкъыбэ Махуэм ехъулIэу Росгвардием КъэрэшейЧеркесым щиIэ Управленэм и лэжьакIуэхэмрэ къулыкъущIэхэмрэ «Твори добро» псапащIэ акцэм хэтащ. Абы ипкъ иту, ахэр Черкесск къалэм дэт сабий Унэм щыхьэщIащ.
Хабзэхъумэхэр цIыкIухэм IэфIыкIэхэмрэ зэрыджэгун саугъэтхэмрэ яIыгъыу яхуэкIуащ. Хэгъуэгу къудамэм и унафэщIым и къуэдзэ Повелицэ Виталий сабий Унэм щылажьэхэм фIыщIэ яхуищIащ абыхэм нанухэм хуащI гулъытэм папщIэ. «ГъащIэр ткIийуэ къызыхущIэкIа сабий цIыкIухэр гулъытэмрэ фIылъагъуныгъэмрэ зэрыщIэфпIыкIыр плъагъуну гуапэщ. ЦIыкIухэм мыбдеж шынагъуэ зыхамыщIэу зэрызаужьым гу лъыботэ.
ТфIэфI дыдэу сыт щыгъуи мы сабий Унэм дыкъоблагъэ, ди нэгу щIокI цIыкIухэр къызэрыдэкIуэтейр. Сабий хамэ щыIэкъым», — жиIащ Повелицэ Виталий.
ХэщIапIэм и унафэщI Узденов Ислъам къыбгъэдэкIыу Росгвардием Къэрэшей-Черкесым щиIэ Управленэм и пашэ Яковлев Руслан фIыщIэ тхылъ хуригъэхьащ сабий Унэм щагъасэхэм гулъытэ яхуэщIын Iуэхум росгвардейцхэр жыджэру зэрыпылъым папщIэ.
КъинэмыщIауэ, сабийхэр хъумэным и Лъэпкъыбэ Махуэм ехъулIэу Росгвардием Къэрэшей-Черкесым щиIэ Управленэм и лэжьакIуэхэмрэ къулыкъущIэхэмрэ «Надежда» реабилитацэ купсэми щыхьэщIащ.
Купсэм и гъэсэнхэмрэ гъэсакIуэхэмрэ ягъэхьэзыра махуэщI концертым хьэщIэхэр ирагъэплъащ. НыбжьыщIэхэм уэрэдхэр жаIащ, къэфащ. Повелицэ Виталий сабийхэм я махуэщIымкIэ яхъуэхъуащ, купсэм и унафэщIымрэ щылажьэхэмрэ фIыщIэ яхуищIащ сабийхэм хуащI гулъытэ мыкIуэщIым папщIэ. Росгвардием щылажьэхэм сабийхэм IэфIыкIэхэмрэ спортым ехьэлIа Iэмэпсымэхэмрэ тыгъэ хуащIащ.
Росгвардием Къэрэшей-Черкесым щиIэ Управленэм и пресс-къулыкъу
Больше на Черкес хэку
Подпишитесь, чтобы получать последние записи по электронной почте.
