Урысейм и Президентым и пщэрылъкӀэ УФ-м и Правительствэм игъэуващ зауэ операцэ хэхам (СВО-м) хэтхэм лэжьапӀэ къахуэгъуэтын и лъэныкъуэкӀэ я зэфӀэкӀым хэгъэхъуэным теухуа Ӏуэхугъуэхэм я план.
Абы щытепсэлъыхьахэщ УФ-м и Правительствэм и тхьэмадэ Мишустин Михаил вице-премьерхэм ядригъэкӀуэкӀа зэӀущӀэм деж.
Планым зэритымкIэ СВО-м и ветеранхэм ядэӀэпыкъун хуейщ лэжьапӀэ къахуэгъуэтыныр мыхъуу, я зэфӀэкӀымрэ я Ӏэзагъымрэ хагъэхъуэну, ӀэщӀагъэщӀэ зрагъэгъуэтыну. «Къэрэшей-Черкесым лӀыхъужьхэм ядэӀэпыкъуным гулъытэ хэха худощӀ.
Зауэ операцэ хэхар щрагъэжьа япэ махуэ дыдэхэм къыщыщӀэдзауэ республи
кэр хыхьащ зауэлӀхэмрэ абыхэм я унагъуэхэмрэ сыт и лъэныкъуэкӀи защӀэгъэкъуэнымкӀэ лэжьыгъэм. Апхуэдэу илъэситӀ хъуауэ ехъулӀэныгъэкӀэ мэлажьэ «Хэкум и хъумакӀуэхэр» щӀыналъэ фондыр, ар зауэлӀхэмрэ абыхэм я унагъуэхэмрэ сыт и лъэныкъуэкӀи щӀэгъэкъуэн яхуохъу — юридическэ Ӏуэхухэм къыщыщӀэдзауэ социальнэхэм нэс.
Щхьэхуэу къыхэзгъэщыну сыхуейщ «КъэрэшейЧеркесым и лӀыхъужьхэр» республикэ программэр.
Абы и мурад нэхъыщхьэр — ди хъумакӀуэхэр Къэрэ-
шей-Черкесым и гъащӀэм хэгъэхьэжынымкӀэ, лэжьапӀэ ӀуэхумкӀэ, нэгъуэщӀ лъэныкъуэхэмкӀи зыхуэныкъуэ ӀуэхугъуэхэмкӀэ зырызу зыхуагъазэу ядэӀэпыкъунращ.
Ар мыхабзэ бгъэдыхьэкӀэщ, жьы зыщӀэт жэрдэмщ икӀи къигъэлъэгъуэнум емылъытауэ, дэтхэнэ зауэлӀми зыщӀэдгъэкъуэнущ. Фигу къэзгъэкӀыжынщи, мэкъуауэгъуэм и 6-м нэсыху программэм и ещанэ, иужьрей Ӏыхьэр, екӀуэкӀащ», — щитхащ Къэрэшей-Черкесым и Ӏэтащхьэм и официальнэ ТГ-каналым.
Зыгъэхьэзырар ДЗЭМЫХЬ Маринэщ
Больше на Черкес хэку
Подпишитесь, чтобы получать последние записи по электронной почте.
