Псыдзэм зэрызыщахъумэнур

Къэрал программэм и къэухьхэм иту, 2025 гъэм лэжьыгъэшхуэ зэфIахынущ псы Iуфэхэр гъэбыдэнымрэ псы ежэхыпIэхэр гъэкъэбзэнымрэ яхуэунэтIауэ. 2025-2026 гъэхэм псы Iуфэхэр щагъэбыдэнущ, псы ежэхыпIэхэр щагъэкъэбзэнущ Карачаевск къалэ округым хыхьэ, метр 1376-рэ зи кIыхьагъ псыжьыпс Iыхьэм, Учкекен къуажэм и Iэгъуэблагъэм щыIэ Эшкакон псым метр 2173-рэ зи кIыхьагъ и Iыхьэм. Ягъэкъэбзэну къапэщылъщ Прикубан, Усть-Жэгуэтэ муниципальнэ районхэм, Черкесск къалэм хиубыдэ Абазинкэ, Овечкэ псыхэм километри 7 зи кIыхьагъ я кIуапIэхэр, Зеленчук муниципальнэ районым хыхьэ Сторожевая станицэм блэж Кяфар псым и километри 7 кIапэр. ЩIыуэпс и лъэныкъуэкIэ зэтрагъэпсыхьыжын папщIэ, зэхалъхьэнущ Уарп муниципальнэ районым хиубыдэ Медногорскэ жылагъуэмрэ Усть-Жэгуэтэ и Московскэ уэрамымрэ я псы хъурейхэр (прудхэр) зэрагъэкъэбзэжыну лэжьыгъэхэм я проект-сметэ дэфтэрхэр. ЩIаплъыкIынущ Псыжь, Инжыджышхуэ, Инжыдж ЦIыкIу, Бижгон, Лабэшхуэ псыхэмрэ абыхэм къакъуэжхэмрэ я Iуфэхэмрэ я псы жапIэхэмрэ я щытыкIэр. Абы лъэкIыныгъэ къаритынущ къэрал щIыуэпс нэIэ гъерэтыфIэ къызэрагъэпэщыну