«Зыуэ щыт Урысей» партым и Къэрэшей-Черкес къудамэм къыбгъэдэкIыу, Донецк ЦIыхубэ Республикэм щыщу псыншэу къэна унагъуэхэм псы бащырбэ тоннипщI хурагъэшащ, Урысейм и МЧС-м КъЧР-м щиIэ Управленэ Нэхъыщхьэм и хьэлъэзешэ машинэхэмкIэ.
«КъыкIэлъыкIуэ гуманитар дэIэпыкъуныгъэр ДНР-м дутIыпщащ. Донбасс щIыналъэм щыпсэухэм защIэгъэкъуэнымкIэ ди хэгъуэгум иригъэкIуэкI псапащIэ Iуэхухэм япкъ иту, мызыгъуэгум гуманитар гулъэр игъэхьэзыращ КъЧР-м и ЦIыхубэ ЗэIущIэм (Парла-ментым) и депутат Хъупсырокъуэ Алий. Псоми зэрытщIэщи, а щIыпIэм щыщхэм нобэкIэ зэфэн псы ямыIэу къызэрынам хуабжьу гугъу ирегъэхь», — жиIащ партым и исполкомым и унафэщI Джамбаев Руслан. ФIыщIэ псалъэхэр яхуигъэзащ мыпхуэдэ псапащIэ гулъэхэр зыгъэхьэзырхэмрэ СВО-м хэтхэм я унагъуэхэм ядэIэпыкъухэмрэ.
Шэч хэмылъу, а къомым я гуащIэ Iыхьэ халъхьэ партым и лэжьакIуэхэми, сенаторхэми, «Зыуэ щыт Урысей» партым и депутатхэми, хэгъуэгу Правительствэм, жылагъуэ организацэхэм хэтхэми, районхэмрэ къалэхэмрэ я Iэтащхьэхэми, хыхьэхэкIырылажьэхэми, волонтерхэми, къэралыр зыхэт дзэ Iуэхур дапщэщи къызыфIэIуэху дэтхэнэми.
«Зыуэ щыт Урысей» партым и Ищхьэ советым и пщэрылъкIэ, КъЧР-м и Iэтащхьэ Темрезов Рэшид, партым и хэгъуэгу къудамэм и секретарь Иванов Александр сымэ я егугъуныгъэкIэ, зауэ операцэ хэхам хэтхэмрэ абыхэм я унагъуэхэмрэ ядэIэпыкъу Зыуэ щыт хэгъуэгу штабым псапащIэ Iуэхуу мащIэкъым СВО-р зэрыщIидзэрэ игъэкIуэтар — псори зэхэту къапщтэмэ, партым игъэхьэзырри иригъэшащ гуманитар гулъэ тонн 1500-м нэблагъэ: псыи, зэрызагъэкъабзэ пкъыгъуэхэри, шхынхэкIхэри, хущхъуэхэри, зэуэлIхэр зыхуэныкъуэ автомобили, техники, Iэмэпсыми. ЗэуапIэм Iут ди щIалэхэм щIэгъэкъуэн яхуэхъуныр цIыхубэ программэм и зы кIуэрабгъу нэхъыщхьэщ. Ар епхащ къулыкъущIэхэмрэ абыхэм я унагъуэхэмрэ зыпэщIэувэ лъэпощхьэпохэр ящхьэщыхынри, гуманитар къалэнхэр тыншу икIи зэпымыууэ гъэзэщIэнри.
ЛЫХЬ Тимур
Больше на Черкес хэку
Подпишитесь, чтобы получать последние записи по электронной почте.
