Дывохъуэхъу Урысей Федерацэм и Конституцэм и Махуэм и щIыхькIэ! Мы махуэщIыр ди къэралым щыпсэу лъэпкъ куэдым я зэкъуэтыныгъэм, абы и нобэмрэ и къэкӀуэнумрэкӀэ псоми ди пщэ дэлъ жэуаплыгъэм и нагъыщэщ.
1993 гъэм цӀыхубэ хэхыныгъэм къыщащта, ди къэралым и Хабзэ Нэхъыщхьэр нобэр къыздэсым цӀыхухэм я хуитыныгъэхэмрэ я псэхугъуэхэмрэ хъумэнымкӀэ, къэралым и щхьэхуитыныгъэр, абы и лъэпкъ хьэлэмэтхэр къызэгъэпэщынымкӀэ лъабжьэ быдэу щытщ. Абы щыгъуэми Конституцэр — хабзэ зэхуэхьэса къудейкъым, юридическэ къару нэхъыщхьэ зиӀэ, ар ди хабзэ хъуа псэкупсэ-хэкупсэ щӀэинхэр къэзыгъэлъагъуэщ.
Ди лъэпкъ зэкъуэтыныгъэр, абы и цӀыхухэм я хэкупсагъэр, граждан жэуаплыгъэр зыхащӀэу зэрыщытыр, пэжыгъэмрэ захуагъэмрэ и кӀэм нэс щӀэбэнынымкӀэ зэфӀэкӀ зиӀэр, ди Лъэпкъ пашэ Путин Владимир Владимирович и деж зэрызэкъуэувэр, апхуэдэу ди къэралым и экономикэ къарумрэ и дзэ лъэщымрэ къызэрызэгъэпэщар — а псоми лъэкӀыныгъэ къыдат нобэрей зэман мытыншым къытхуигъэув гъэунэхуныгъэхэм ди къэрал иныр пэщӀэтыфын папщӀэ. Къэрэшей-Черкесым щыпсэухэри, урысей хэгъуэгухэм щыпсэухэм яхуэдэу, къалэн нэхъыщхьэхэр зэфӀэхыным жыджэру хэтщ.
Хэкум и хьэлэмэтхэр яхъумэ, СВО-м и щӀыпӀэм щызауэкӀэрэ, ӀэнатӀэ, къудамэ зэмылӀэужьыгъуэхэм я зыужьыныгъэм хэлъхьэныгъэ хуащӀ, къыхаха лэжьыгъэм хьэлэлу пэрытщ, лӀыщӀыгъуэхэм къриубыдэу зэфӀэува унагъуэ щӀэинхэр яхъумэу сабийхэр япӀ.
Мы махуэшхуэм ди хэкуэгъу, ди къэралэгъу псоми насып, фӀыгъуэ, гуапагъэ, Хэкум и цӀэкӀэ ехъулӀэныгъэщӀэхэр фиӀэну дывохъуэхъу!
ТЕМРЕЗОВ Рэшид, Къэрэшей-Черкес Республикэм и Ӏэтащхьэ
ИВАНОВ Александр, Къэрэшей-Черкес Республикэм и ЦӀыхубэ ЗэӀущӀэм (Парламентым) и тхьэмадэ
АРГУН Мурат, Къэрэшей-Черкес Республикэм и Правительствэм и тхьэмадэ
Больше на Черкес хэку
Подпишитесь, чтобы получать последние записи по электронной почте.
