ЧЕРКЕССК КЪАЛЭМ дэт, сабий зэчиифIэхэр наIуэ щIынымрэ абыхэм загъэужьынымрэкIэ «Спутник» Купсэм Хэку зауэшхуэм ТекIуэныгъэр ди къэралым и цIыхубэм къызэрилъэщрэ илъэс 80 зэрырикъуам теухуа, хэкупсэ уэрэдхэмкIэ зэхьэзэхуэ щекIуэкIащ.
Абы ипкъ иту республикэм хыхьэ районхэм, къалэхэм щыщ егъэджакIуэхэр зауэ зэманым къагъэщIа уэрэдхэр жыIэнымкIэ зэпеуащ.
Къэрэшей-Черкесым и егъэджакIуэ гуп псоми екIуу, дэхьэхыгъуафIэу зыкъагъэлъэгъуащ, ягъэхьэзыра теплъэгъуэхэри хэкупсагъэкIэ гъэнщIауэ щытащ.
Абы къыхэкIыу, жюрим къыхилъытар егъэджакIуэхэм я уэрэд жыIэкIэ закъуэракъым, атIэ сценэм къыщагъэщIа образхэм я дахагъми, я купщIэми, артистизмэми гу лъатащ.
Зэпеуэм и япэ увыпIэр къыщызылъэщар Хьэбэз къуажэм дэт, Арэшыкъуэ Р. и цIэр зезыхьэ курыт еджапIэм и егъэджакIуэ гупращ. Абыхэм ягъэзэщIащ «Журавли» уэрэд цIэрыIуэр. Дохъуэхъу абыхэм я текIуэныгъэмкIэ! Абыхэм иджыри зэ ягъэбелджылащ, ди щIэблэмкIэ сыт хуэдэ Iуэху дахэкIи щапхъэ зэрыхъур!
ГЪУКIЭКЪУЛ Иринэ
Больше на Черкес хэку
Подпишитесь, чтобы получать последние записи по электронной почте.
