Адыгэ-Хьэблэ районым и еджакIуэхэм, я адэ-анэхэмрэ егъэджакIуэхэмрэ ящIыгъуу, къыкIэлъыкIуэ псапащIэ дэIэпыкъуныгъэр хуагъэхьэзыращ СВО-м щыIэ ди лъахэгъухэм. Районым и администрацэм къызэритамкIэ, абыхэм яхэлъщ зэIымыхьэу куэдрэ пхъумэфыну ерыскъыхэр (консервхэр, IэфIIуфIхэр, шей, кофе хуэдэхэр), зэрызагъэкъабзэ лIэужьыгъуэхэр, лъэпэд хуабэхэр, нэгъуэщIхэри.
Район администрацэм и лэжьакIуэхэм фIыщIэ хуащIащ апхуэдэ гулъытэрэ жэрдэмрэ къызыбгъэдэкIахэм, жаIащ гулъэр куэд мыщIэу гъуэгу зэрытехьэнур, ди лIыхъужьхэм зэрыIэрагъэхьэнур. Къыхэдгъэщынщи, ди къулыкъущIэхэм хуагъэхьэзыр псапащIэ дэIэпыкъуныгъэхэр къызэрагъэпэщ КъЧР-м и Iэтащхьэ Темрезов Рэшид и деж щыIэ Зыуэ щыт штабым и лэжьыгъэм ипкъ иту. Фигу къэдгъэкIыжынщи, мыбы ипэкIэ Уарп районым икIыу ди лъахэгъухэм хурагъэшащ ди къулыкъущIэхэм бийм зэрызыщахъумэну хъыхэр.
КъинэмыщIауэ, 34-нэ мотострелковэ гвардейскэ бригадэм и зауэлIхэм я лъэIукIэ, Урысейм ФедерацэмкIэ и Советым зыхъумэжыныгъэмрэ шынагъуэншагъэмрэкIэ и комитетым и тхьэмадэм и къуэдзэ Бондарев Викторрэ УФ-м ФедерацэмкIэ и Советым КъЧР-м къыбгъэдэкIыу хэт сенатор Къэзэнокъуэ Кърымрэ я дэIэпыкъуныгъэкIэ, СВО-м псы тонни 9 ирагъэшащ.
Зыгъэхьэзырар ДЗЭМЫХЬ Маринэщ
Больше на Черкес хэку
Подпишитесь, чтобы получать последние записи по электронной почте.
