Алиев У. и цІэр зезыхьэ Къэрэшей-Черкес къэрал университетым СВО-м щыІэхэм гуманитар дэІэпыкъуныгъэ тонн 65-м щІигъу хуригъэшащ. ПсапащІэ Іуэхум лъабжьэ хуэхъуащ «ВУЗы для фронта!» Урысейпсо акцэр. Апхуэдэ лэжьыгъэфІыр ягъэкІуэтэным щхьэпащ университетым и студентхэмрэ и лэжьакІуэхэмрэ я зэкъуэтыныгъэр, зэдэщтэныгъэр.
ЖыІэпхъэщи, университетым адэкІи пищэнущ дэІэпыкъуныгъэ лэжьыгъэр.Абы теткІэрэ, тхьэмахуэ къакІуэ гуманитар дэІэпыкъуныгъэ иджыри ирагъэшэнущ. Абы хыхьэнущ мыр етІуанэу СВО-м хуаутІыпщыну автомобиль-вездеходыр.
Япэр 2024 гъэм и дыгъэгъазэм (декабрь) мазэм Іэрагъэхьауэ щытащ.Фигу къэдгъэкІыжынщи, ди хэгъуэгум икІыу СВО-м яунэтІ гуманитар дэІэпыкъуныгъэхэм я зэхэзегъэкІуэным КъЧР-м и Іэтащхьэм и унафэм щІэту лажьэ Зыуэ щыт штабым и нэІэ ену тетщ. «ВУЗы для фронта!» акцэм и жэрдэмыр къезыхьэжьар УФ-м щІэныгъэмрэ ищхьэ егъэджэныгъэмрэкІэ и Министерствэращ, урысей университетхэм я къыхэлъхьэныгъэр и лъабжьэу. Мы зэманым ехъулІэу акцэм хыхьащ къэралым и ищхьэ еджапІэ зэхуэмыдэ 500-м я студент, егъэджакІуэ мин бжыгъэ.
Больше на Черкес хэку
Подпишитесь, чтобы получать последние записи по электронной почте.
