Хэку зауэшхуэм и илъэсхэм партизанхэм икъукIэ хэщІыныгъэшхуэ бийм къыхуахьащ. БжыгъэхэмкІэ къапщтэмэ, нэмыцэ сэлэту, офицеру 1800-м щІигъу, танк, бронемашинэ 11, автомашинэ 22-рэ хэщІыныгъэу фашистхэм ирагъэгъуэтащ. Абы къинэмыщІауэ, лъэмыж 17, телефон зэпыщІэныгъэ линэ километр 30 къагъэуащ.
Кавказ щхьэдэхыпІэ Нэхъыщхьэхэм я хуитыныгъэм щІэбэнащ партизан гуп 12-17-м нэс. Абыхэм хэта, ди хэгъуэгум и партизанхэр я бжыгъэкІэ 1200-рэ хъут, абы щыщу 100-р бзылъхугъэт. Партизан зэщІэхъееныгъэхэм я пашэу щытащ партым и обкомым и секретархэу Романчук Максим, Воробьев Геннадий сымэ. ТІури хэкІуэдащ, Хэкум я гъащІэр щІатащ.
Партизан бзылъхугъэхэм ящыщ Кулаковэ Марфэ Исправнэ станицэм щызэхэта мэкъумэш хъызмэтым и бригадиру щытащ. 1942 гъэм шыщхьэІум и 26-м яукІащ, Кировскэ партизан гупым ерыскъы яхуишэу къаубыдри. ЛІа нэужь, Марфэ и хахуагъэр къэралым лъагэу къилъытэкІэрэ, къыхуигъэфэщащ «За отвагу», «езанэ нагъыщэ зиІэ «Партизану Отечественной войны» медалхэр.
Лъыс Зурят-щэ? Адыгэ бзылъхугъэ-партизаным къыкъуэкІа гуеигъэм щыгъуазэщ тхыдэр. Зурят Хьэбэз районым партым и инструкторт. «Красный кавказец» партизан гупым я связнойт пщащэ илъэсхэмхахуэр. Ар къэзыцІыхуа нэмыцэхэм псэхугъуэ ямыІэу къаубыдри, хьэдыгъуэдахэ куэд ирагъэхъылІащ, хьэзаб мащІэкъым ирагъэшэчар, икІэм-икІэжым, 1942 гъэм фокІадэм яукІащ. Дунейм ехыжа нэужь Лъыс Зуряти къыхуагъэфэщащ «Красная звезда» орденымрэ езанэ нагъыщэ зиIэ «Партизану Отечественной войны» медалымрэ.
Преграднэ станицэм деж, листовкэхэр блынхэм кІэригъапщІэу къаубыдри, яукІащ Голоколосовэ Аннэ. ЯукІыным ипэкІэ нэмыцэхэм куэдрэ ар яІыгъащ, и бзэр кърагъэутІыпщын, я лъэныкъуэ къащІын хьисэпкІэ хьэсаб лыузыншэхэр ирагъэхьу.
Адыгэ газетым и напэкIуэцIхэм зэкъым и гугъу зэрыщытщIар Хъумэрэ къуажэжьым и къуэ щыпкъэхэу, фашистхэм яIэщIэкIуэда зэадэзэкъуэм, Темырхэ Билалрэ Азрет-Алийрэ. Ахэр хахуэу яхэтат хэгъуэгум щылэжьа партизан гупым икIи я гъащIэр щIатащ Хэкум хуэщыпкъэу.
… Фашизмэр гъэкIуэдыным зи щхьэ хуэзыгъэтIылъахэр игъащIэкIи цIыхубэм щы-гъупщэнукъым.
ТУАРШЫ Ирэ
Больше на Черкес хэку
Подпишитесь, чтобы получать последние записи по электронной почте.
