Кавказ бгы щхьэдэхыпIэхэр зыхъумахэм я фэеплъ музейр «Унагъуэ» лъэпкъ проектым и къэухьхэм иту мы гъэм яузэдынущ иджырей техникэрэ оборудованэщIэрэкIэ. КъулыкъущIапIэм а IуэхухэмкIэ субсидиехэр федеральнэ бюджетым къыхэкIыу къратынущ «Унагъуэ» лъэпкъ проектым и Iыхьэу щыт «Семейные ценности и инфраструктура культуры» федеральнэ проектыр гъэзэщIэным и къэухьхэм иту Проектыр нэхъыщхьэу хуэунэтIащ музейм и къэухьыр зэманым тегъэпсыхьынымрэ (модернизацэ щIынымрэ) абы къекIуалIэ цIыху бжыгъэр хэгъэхъуэнымрэ.
Абы папщIэ ягъэувынущ оборудованэщIэ: экспозицэ-гъэлъэгъуапIэ, фонд, жьыуэпс кIуэрабгъу зиIэхэр, нэгъуэщIхэри. ТехнологиещIэхэм лъэкIыныгъэ къаритынущ музейм щIэт экспонатхэм я шынагъуэншагъэр къызэфIагъэкIыну, абы щIыгъуу мультимедийнэ IэмалыщIэхэм цIыху нэхъыбэ къыдашэхынущ ягъэлъагъуэ хьэпшыпхэр нэхъри IупщIрэ нэрылъагъурэ зэращIым къыхэкIыу. — Дэтхэнэ лъэпкъым и дежкIи лъапIагъэ нэхъыщхьэщ и щэнхабзэ, псэ беягъэр. Абы къыхэкIыу ди къэралымрэ ди республикэмрэ я щэнхабзэм зегъэужьыным нобэ гулъытэшхуэ хуащI, — нэхъ пасэу жиIауэ щытащ КъэрэшейЧеркесым и Iэтащхьэм и зы къэпсэлъэныгъэм.
Больше на Черкес хэку
Подпишитесь, чтобы получать последние записи по электронной почте.
