УРЫСЕЙМ и ЛIыхъужь Къардэн Уэхьид и цIэр зезыхьэ ПсэукIэ-Дахэ къуажэ курыт еджапIэм Украинэм щекIуэкI зауэ операцэ хэхам лIыхъужьыгъэ щызэрихьэу хэкIуэда, Суворовым и медалымрэ «Мужество» орденымрэ къызыхуагъэфэща АБРЭДЖЫКЪУЭ Тимур Уэхьид и къуэм и цIэкIэ «Парта Героя» къызэIуахащ.
ЛIыхъужьым и цIэкIэ партэр къызэIухын щIыхьыр хуагъэфэщащ и анэ Заремэ, къыдалъхуам и бын Абрэджыкъуэ Амир, е 11-нэ классым хэс Унэрокъуэ Миланэ сымэ. Абы япэ дыдэ дагъэтIысхьащ е 3-нэ «Б» классым хэс Абрэджыкъуэ Амиррэ еджапIэм фIы дыдэу щеджэ Кэп Миланэрэ.
Абыхэм тхьэлъанэ ятащ Хэкум и лIыхъужьхэм я фэеплъыр зэрахъумэнымкIэ, пэжым и телъхьэу, щIэныгъэрэ Iэдэбрэ яхэлъу къызэрытэджынымкIэ, гъащIэ узыншэ зэрырахьэкIынымкIэ, «Парта Героя»-м гушхуэу зэрыдэсынымкIэ!
Фэеплъ дауэдапщэм и кIэм, Тимур и анэ Заремэ къызэхуэсахэм, еджапIэм щылажьэхэмрэ еджакIуэ цIыкIухэмрэ фIыщIэ яхуищIащ и къуэм апхуэдэ щIыхьыр къызэрыхуагъэфэщам, и фэеплъыр зэрахъумэм папщIэ икIи жиIащ апхуэдэ лIыхъужьхэр щIэблэм яцIыхуу къэгъэтэджын зэрыхуейр. Ахэр псори лIыхъужьщ. Апхуэдэ щIалэ лIыхъужьхэр диIэу Урысейр хагъэщIэфынукъым. Дэ ди къалэныр — хэкIуэдахэмрэ нобэ ди мамыр гъащIэр, Хэкур зыхъумэ ди сэлэтхэмрэ я унагъуэхэм гулъытэрэ хуабагъэрэ ядгъэгъуэтынращ. Мыбдеж къыщыпсэлъахэми нэхъыщхьэу аращ къыхагъэщар.
Зыгъэхьэзырар ЕЗАУЭ Маринэщ
Больше на Черкес хэку
Подпишитесь, чтобы получать последние записи по электронной почте.
