Къэрэшей-Черкесым и Ӏэтащхьэ Темрезов Рэшид сабийм и хуитыныгъэхэр хъумэнымкӀэ республикэм и Уполномоченнэ Алэкъей Марие ӀущӀащ. Ахэр тепсэлъыхьащ сабиигъуэм ехьэлӀа къэрал политикэр гъэзэщӀэнымрэ Урысейм и Президент Путин Владимир къигъэува къалэнхэмрэ.
Абыхэм ящыщщ адэ-анэ хуитыныгъэхэр зыӀраххэм я бжыгъэр гъэмэщӀэнымкӀэ, социальнэ ӀуэхущӀапӀэхэм я стационархэм щӀэтӀысхьэ сабийхэр нэхъ мащӀэ щӀынымкӀэ къызэрагъэпэщ Ӏуэхугъуэхэр. Дэ псоми ди зэхуэдэ къалэнщ дэтхэнэ сабийми унагъуэм щыпсэуну, щапӀыну хуитыныгъэ етыныр, апхуэдэуи сабийхэмрэ адэ-анэхэмрэ зыхуэныкъуэ дэӀэпыкъуныгъэр ялъэгъэсыныр. Ди хэгъуэгум щыпсэухэм я хуитыныгъэхэр хъумэнымкӀэ ӀэнатӀэм и лэжьакӀуэ гупым зауэ операцэ хэхам хэтхэм, абыхэм я унагъуэхэм, быныбэхэм, гъащӀэм щытыкӀэ гугъу иригъэувахэм ядэӀэпыкъунымкӀэ ялэжьам къытепсэлъыхьащ Алэкъей Марие.
КъинэмыщӀауэ, къытеувыӀахэщ гъащӀэм щытыкӀэ гугъу иригъэува сабийхэм зэрызыщӀагъакъуэ Ӏуэхухэр псынщӀэу зэфӀэхыныр зи мурад сабийхэр хъумэнымкӀэ фондым и хэгъуэгу къудамэ республикэм къыщызэгъэпэщыным теухуа упщIэм. Урысейм и Президентым къыдигъэкӀа Указым ипкъ иткӀэ, сабийхэр хъумэнымкӀэ Урысейпсо фондым и тхьэмадэу ягъэуващ Урысей Федерацэм и Президентым деж сабийм и хуитыныгъэхэмкӀэ щыӀэ Уполномоченнэ Львовэ-Беловэ Марие Алексеевнэ. Къэрэшей-Черкесым сабийхэр хъумэнымкӀэ и хэгъуэгу фондым и пашэу щытыну Алэкъей Марие и кандидатурэр дищтащ республикэм и лӀыщхьэм. «Алэкъей Марие сабийхэм я хуитыныгъэхэр хъумэнымкӀэ лэжьыгъэ куэд зэфӀигъэкӀащ.
Си фӀэщ мэхъу, абы и ӀэщӀагъэм хуиӀэ щӀэныгъэр, сабийм и хуитыныгъэхэр хъумэнымкӀэ зэфӀигъэкӀ лэжьыгъэхэр, жэуаплыгъэр зэрызыхищӀэр, сабий зэрыс унагъуэхэм я гукъеуэхэм набдзэгубдзаплъэу зэрахущытыр фондми, сабийхэм я хуитыныгъэхэр хъумэнымкӀэ уполномоченнэм и институтми зэрыщхьэпэнур», — МАХ-м щитхащ ди хэгъуэгум и лӀыщхьэм. Темрезов Рэшид республикэм и Правительствэм пщэрылъ хуищӀащ фондым и щӀыналъэ къудамэр къызэгъэпэщынымкӀэ зыхуэныкъуэну ӀуэхухэрзэфӀэхынымкӀэ, апхуэдэуи, Алэкъейм иригъэкӀуэкӀ лэжьыгъэмкӀэ дэӀэпыкъуну.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
