Урысей Федерацэм и Президентым и Полномочнэ лIыкIуэу СКФОм щыIэ Чайкэ Юрий лэжьыгъэ IуэхукIэ Къэрэшей – Черкесым къэкIуащ икIи ди хэгъуэгум и Iэтащхьэ Темрезов Рэшид IущIащ.
Ахэр ирипсэлъащ КъэрэшейЧеркесым и социальноэкономическэ зыужьыныгъэм 2025 гъэм и япэ илъэс ныкъуэм къыпэкIуахэм, лъэпкъ, инвестиционнэ проектхэр зэрагъэзащIэм, псалъэм и жыIэгъуэкIэ, КъэрэшейЧеркесым и япэ кхъухьлъатэтедзапIэм и ухуэныгъэр зэрекIуэкIым, социальнэ инфраструктурэм адэкIэ зэрызрагъэужьынум.
Лъэныкъуэхэр хэгъэщхьэхукIауэ къытеувыIащ зауэ операцэ хэхам хэтхэмрэ я унагъуэхэмрэ яхуэгъэза медицинэ дэIэпыкъуныгъэм, реабилитацэм, нэгъуэщI зэращхьэпэ Iэмалхэм я гъерэтыфIагъэм. А мурадымкIэ КъэрэшейЧеркесым къыщащэхуагъэххэщ иджырей оборудованэ лIэужьыгъуи 145рэ.
Черкесск щаух IэзапIэреабилитацэ Купсэм и корпусыщIэм и ухуэныгъэр, район псоми къыщызэIуахащ медикопси хологическэ чэнджэщхэр здат хэщIапIэхэр, хабзэ ящIауэ яхуозэ зауэ къулыкъущIэхэм я унагъуэхэм, къэув упщIэхэм и чэзум жэуап иратын щхьэкIэ межведомственнэ зэдэщтэныгъэ гъерэтыфIэм щхьэпэну бжыгъэ сервисыщIэ къызэрагъэпэщащ.
Чайкэ Юрий щIигъэбыдащ хэгъуэгум и къалэн пажэхэр гъэзэщIэным, къэрал унафэщI къулыкъу псоми я лэжьыгъэр зэгурагъэIуэным системнэу бгъэдыхьэным мыхьэнэшхуэ зэриIэр.
Больше на Черкес хэку
Подпишитесь, чтобы получать последние записи по электронной почте.
