Лъэпкъхэм я зэкъуэтыныгъэм и Илъэсым

Шхыныгъуэхэм я лъэтеувэ

ЩIышылэм (январым) и 25-м Черкесск къалэм дэт «Бгырысым и тэхъуанэ» («Хижина горца») ресторан-музейм гуфIэгъуэ гъэпсыкIэм иту къыщызэIуахынущ «Гъунэ зимыIэ пщэфIапIэ» («Кухня без границ») къэралыбэ хьэщIэгъафIэ форум иныр. ТхьэмахуитIкIэ екIуэкIыну а дауэдапщэм и ублапIэ хъунущ Къэрэшей-Черкес Республикэр. Абы къызэщIиубыдэнущ Ищхъэрэ Кавказым и хэгъуэгу псори.

Мы Iуэхур къызэрагъэпэщащ Нартсанэ (Кисловодск) къалэр зи хэщIапIэ «Федерация развития индустрии гостеприимства и туризма «Душа народа» автоном мысату организацэмрэ (АНО-мрэ) Махъачкъалэ щыIэ, зи хуитыныгъэхэр пыбзыкIа «Creo» ООО-мрэ. Урысейм и лъэпкъхэм я зэкъуэтыныгъэм и Илъэсым зэхаша форумыр хуэунэтIащ Ищхъэрэ Кавказ федеральнэ хэгъуэгум и турист брендхэмрэ гастрономическэ лъэкIыныгъэхэмрэ загъэужьыным. КъыщызэIуах махуэм Къэрэшей-Черкесым щызэхэтынущ республикэм и лъэпкъкуэд пщэфIапIэм и лъэтеувэр.

КъыкIэлъыкIуэ махуэм, щIышылэм и 26-м, Черкесск бизнес — зэIущIэ щекIуэкIынущ, туризм IэнатIэмрэ хьэ щIэгъэфIагъэмрэ пылъ хыхьэхэкIхэр, продукцэ къыщIэзыгъэкIхэр, КъэрэшейЧеркесым туризмэмкIэ и Министерствэм и лIыкIуэхэр, форумым кърагъэблэгъа хьэщIэхэр хэту. Абы иджыри зэ щIегъэбыдэ ди хэгъуэгур мы зэпсэлъэныгъэмкIэ IуэхущIэ утыку зэрыхъуам и мыхьэнэр. Къэрэшей-Черкесым форумыр къыщызэIуаха нэужь, абы и лэжьыгъэм щыпищэнущ СКФО-м и нэгъуэщI хэгъуэгухэм: — щIышылэм и 27-м Ставрополь крайм и къалащхьэм и «Компот» кафем щыIэнущ ставропольскэ пщэфIапIэм и лъэтеувэр; — щIышылэм и 31-м Махъачкъалэ къалэм (Дагъыстан) дэт «Башня» шхапIэм щекIуэкIынущ авар пщэфIапIэм и лъэтеувэрэ дагъы стан модэм и гъэлъэгъуэныгъэрэ; — мазаем и 1-м Грозный къалэм и «ДыкъызытекIыжахэм я жьэгу» шхапIэм щыIэнущ шэшэн шхыныгъуэхэм я лъэтеувэ; —мазаем и 4-м Тегенекли къуажэм щыIэ «Пик Europe» хьэщIэщым къыщызэрагъэпэщынущ Къэбэрдей-Балъкъэрым щыпсэу лъэпкъхэм я шхыныгъуэхэм я лъэтеувэ; —мазаем и 6-7 махуэхэм Мэхъачкъалэ рестораторхэмрэ шеф-пщафIэхэмрэ папщIэ къызэрагъэпэщыну «ЩIэин» («Наследие») гастрономическэ форумым къыщапщытэжынущ зэпеуэ псоми къапэкIуахэр. Иужьым зэхалъхьэнущ туристхэм нэхъ ятегъэпсыхьа шхапIэхэм я дэфтэрыр.