«Блокадный хлеб» Урысейпсо акцэм ипкъ иту Росгвардием Къэрэшей-Черкесым щиIэ Управленэм хыхьэ ОМОН-м и «Мустанг» гупым хэтхэр Черкесск къалэм дэт, зи № 27-рэ сабий IыгъыпIэм еблэгъащ. Абы Ленинград къалэр блокадэм къыщрагъэла Махуэм теухуа фэеплъхэкупсэ дауэдапщэ гъэщIэгъуэн къыщызэрагъэпэщащ. Ленинград къалэр блокадэм щита пIалъэр Урысейм и тхыдэм щынэхъ гуузхэм языхэзщ. Росгвардием и лэжьакIуэхэм сабий IыгъыпIэм и гъэсэн цIыкIухэм къалэ-лIыхъужьым и хъыбар гуауэр хуаIуэтащ, цIыхухэм зэрахьа лIыгъэм, къалэр зыхъумахэм, хуит къэзыщIыжахэм я хахуагъэм щагъэгъуэзащ. Сабийхэри жэуапыншэу къэнакъым. Ахэр Ленинград къалэм и лIыхъужьыгъэм теухуа усэхэм къеджащ, мы Iуэхугъуэм ехьэлIауэ тхылъхэм итхэр зрагъэлъэгъуащ. Гупым и офицер, полицэм и капитан Чагаровэ Алинэ зэрыжиIащи, мы дауэдапщэр блокадэм даубыда къалэм щыпсэуа псоми я фэеплъщ. ЗэIущIэм икIэм хьэщIэхэри сабийхэри а махуэ дыджхэм хэкIуэдахэм я фэеплъу дакъикъэкIэ щыму щытащ.
Больше на Черкес хэку
Подпишитесь, чтобы получать последние записи по электронной почте.
