Къэрэшей-Черкесым капитальнэу щызэрагъэзэхуэж «Куэш-Хьэблэ — Инжыдж-КIыкIун» гъуэгум хыхьэ лъэмыжыр. Ари фигу къэдгъэкIыжынщи, а лъэмыжыр зыхиубыдэ, километр 13 зи кIыхьагъ гъуэгу Iыхьэр зэтрагъэпсыхьыжащ 2016 гъэм.
Елбыргъэнрэ Хьэбэзрэ зэзыпх, совет зэманым яухуа лъэмыжыжьыр къэгъэщIэрэщIэжыным иужь дихьащ нэгъабэ. Лэжьыгъэхэр яублащ Урысей Федерацэм и Президент Путин Владимир и пщэрылъкIэ зэхалъхьа «Безопасные и качественные дороги» лъэпкъ проектым и къэухьхэм иту. Мы гъэм капитальнэ зэгъэзэхуэ-жыныгъэр пытщэнущ «Инфраструктура для жизни» лъэпкъ проектыщIэмкIэ.
Нобэ ехъулIэу яухащ псы ежэхыпIэр (русло) зэтегъэпсыхьыным хуэунэтIа лэжьыгъэхэр, ягъэбыдащ лъэмыжыр зытралъхьэну щIэгъэкъуэнхэр («лъакъуэхэр»), ягъэхьэзыращ арматурэ каркасхэр, зэтрагъэпсыхьащ пIалъэкIэ ягъэув гъуэгу нагъыщэхэр. АдэкIэ Iуэхушхуэхэр къапоплъэ. Ари къыхэзгъэщынщи, лъэмыж псэуалъэр капитальнэу зэрагъэзэхуэжыну къудейкъым, атIэ нэхъ ин ящIынущ. Лэжьыгъэ псори зэлъыщIагъыхьа нэужь лъэмыжым и кIыхьагъыр хъунущ погоннэ метр 44-рэ. Лъэмыжыр хьэзыр хъунущ 2025 гъэм и кIэм ехъулIэу.
А псэуалъэм и закъуэкъым мы гъэм республикэм къыщыдгъэщIэрэщIэжынур. Куэд мыщIэу «Региональная и местная дорожная сеть» федеральнэ лъэпкъ проектым и къэухьхэм иту иужь дихьэнущ «Черкесск-Домбай» автомобиль гъуэгум хиубыдэ, Ипщэ Тебэрды и екIуэлIапIэм щыIэ лъэмыжыр зэгъэзэхуэжыным, — щитхащ и телеграм-каналым хэгъуэгум и лIыщхьэм.
Больше на Черкес хэку
Подпишитесь, чтобы получать последние записи по электронной почте.
