Къэрэшей-Черкесым и Iэтащхьэ Темрезов Рэшид УФ-м и къэралкIуэцI IуэхухэмкIэ хабзэхъумэ къулыкъухэм я лэжьакIуэхэм я махуэщIым ехьэлIауэ къызэрагъэпэща дауэдапщэм хэтащ. «Урысейм и Президент Путин Владимир къызэрыхигъэщащи, нобэрей махуэм хабзэхъумэ ӀуэхущӀапӀэ псори гъэунэхуныгъэ хэха щытыкIэм иту мэлажьэ.
Мы зэманым къытщхьэщыувэ шынагъуэхэм дыпэщӀэтыфын папщӀэ къэралкӀуэцӀ ӀуэхухэмкӀэ къулыкъухэм я лэжьакӀуэхэм яхузэфӀэкӀ псомкӀи зыкъагъэлъэгъуэну, ӀэщӀагъэ нэс зрагъэгъуэтыну къахуоув. КъЧР-м и МВД-м и къудамэ псоми я къулыкъущӀэхэм, къэрал къулыкъум и ветеранхэм я Ӏэзагъэм зытрагъащӀэу, республикэм и щӀыналъэм хабзэрэ цӀыхухэм я шынагъуэншагъэрэ къыщызэгъэпэщынымкӀэ, апхуэдэуи зауэ операцэ хэхам я къалэнхэр Ӏэзагъ хэлъу, хьэлэлу щагъэзащӀэ. Ди хэгъуэгум и МВД-м и лэжьакӀуэхэм ар ягъэзащӀэ щӀыхь пылъу, республикэмрэ къэралымрэ, псори зэхэту, я къэкӀуэнумкӀэ жэуаплыныгъэр зыхащӀэу», — щитхащ КъЧР-м и Ӏэтащхьэм МАХ-м щиӀэ и напэкӀуэцӀхэм.
Республикэм и Ӏэтащхьэр яхъуэхъуащ КъЧР-м и МВД-м и лэжьакӀуэхэм, ветеранхэм, унафэщӀхэм я ӀэщӀагъэ махуэщӀымкӀэ икӀи фӀыщӀэ яхуищӀащ Урысейм и сэбэп зыхэлъ ӀэщӀагъэм зэрыхуэӀэзэхэмрэ псэемыблэжу зэрыхуэлажьэхэмрэ папщӀэ. ИужькӀэ Темрезов Рэшид къэрал нагъыщэхэмрэ щӀыхьыцӀэхэмрэ яхуигъэфэщащ республикэм и къэралкӀуэцӀ ӀуэхухэмкӀэ и Министерствэм и лэжьакӀуэхэм, къулыкъум къыхэжаныкӀахэм. Апхуэдэу ди хэгъуэгум и лӀыщхьэр ехъуэхъуащ МВД-м и унафэщӀ Нефедов Владимир Урысейм и Президент Путин Владимир абы полицэм и генерал-майор цӀэ лъагэркъызэрыхуигъэфэщамкӀэ. «Си фӀэщ мэхъу республикэм и МВД-м и унэтӀыныгъэм щӀэтхэр дяпэкӀи тхьэрыӀуэм, я ӀэщӀагъэм къахуигъэув пщэрылъхэм тетыну, хабзэр зэгъэзэхуауэ, цӀыхухэм я шынагъуэншагъэр къызэгъэпэщауэ я къалэнхэр хьэлэлу зэрагъэзэщӀэнур. Псоми сывохъуэхъу узыншагъэ быдэ, псэукӀэ зэгъэзэхуа фиӀэну, дяпэкӀи фи къулыкъум ехъулӀэныгъэхэр щызыӀэрывгъыхьэну!» — къыхигъэщащ Къэрэшей-Черкесым и Ӏэтащхьэм.
ЕЗАУЭ Маринэ
Больше на Черкес хэку
Подпишитесь, чтобы получать последние записи по электронной почте.
