Илъэс пщыкIузкIэ узэIэбэкIыжмэ, 2014 гъэм гъатхэпэм и 16-м Кърымым хэхыныгъэ зэрыщекIуэкIар тхыдэм къэхъугъэшхуэу къыхэнащ. Хы ФIыцIэ Iуфэм щыпсэухэм я процент 90-м Iэ яIэтащ Урысейм Кърымымрэ Севастополрэ къыхыхьэжыным арэзы техъуэу. А махуэр гъэлъэпIэным теухуа унафэм ди къэралым и Президент Путин Владимир Iэпэ щIидзауэ щытащ 2014 гъэм гъатхэпэм и 17-м. Тхыдэм захуагъэр щызэфIэувэжащ!
Абы лъандэрэ илъэс къэс гъатхэпэм и 18-м зэрыкъэралу ар щагъэлъапIэ. Къэрэшей-Черкесми махуэщIым ехьэлIауэ дауэдапщэхэр щекIуэкIащ. Абы хэтащ ныбжьыщIэхэри, щIалэгъуалэри, ди нэхъыжьыфIхэри. Республикэм и муниципальнэ къэхъугъэхэм къыщызэрагъэпэщащ махуэщI концертхэр, гъэлъэгъуэныгъэхэр, лъакъуэрыгъажэкIэ зэдэжэныр, онлайн-флешмобхэр. Черкесск къалэм волонтерхэм къызэрагъэпэщащ блиц-зэпеуэ. Абдеж къызэхуэсахэр щагъэгъуэзащ Кърым Республикэм и тхыдэм, и щIыпIэ дахэхэм. Апхуэдэщи, махуэщI концерт щызэхашащ Даур Аслъэн и цIэр зезыхьэ щэнхабзэмрэ гъуазджэхэмрэкIэ колледжым. Абы хэтащ республикэм и Iэтащхьэмрэ и Правительствэмрэ я Администрацэм и УнафэщIым и япэ къуэдзэ Хубиев Марат, ЦIыхубэ ЗэIущIэм (Парламентым) и депутатхэр, Правительствэм хэтхэр, жылагъуэ зэгухьэныгъэхэм я лIыкIуэхэр, къалэдэсхэр.
Урысей Федерацэмрэ Къэрэшей-Черкес Республикэмрэ я Гимнхэр къеуа нэужь, псалъэ хуагъэфэщащ Хубиев Марат.
— Нобэ догъэлъапIэ Къры мымрэ Севастополымрэ Урысейм къызэрыгухьэжрэ илъэс 11 зэрырикъур. Мыхэр зызыужь хэгъуэгущ, мыбдежхэм щагъэзащIэ щэнхабзэ, турист, социально-экономикэ проект лъэщхэр, — къыхигъэщащ Правительствэм и лIыкIуэм. ЖиIащ Кърым Республикэр Урысейм къызэрыгухьэжрэ еджапIэщIэхэр, сабий IыгъыпIэщIэхэр къызэрызэIуахыр, щэнхабзэ фэеплъ сынхэр зэрызэрагъэзэхуэжыр, инфраструктурэм зэрызиужьыр. — Мы махуэщIым сыт щыгъуи дигу къигъэкIыжынущ лъэпкъхэм я зэкъуэтыныгъэмрэ зэрыIыгъыныгъэмрэ зэрылъэщыр, абы къытекIуэн къару зэрыщымыIэр. Нобэ Украинэм щекIуэкI зауэ операцэ хэхам хэт ди щIалэхэм Хэкур, Кърым гъатхэм и лIэужьыр, ди хэкуэгъухэм ящIа къыхэхыныгъэр яхъумэ. Дэ щыхьэт дытехъуащ ди къэралым зэрызиубгъум, Урысейм и хэгъуэгухэр — Донбасс, Луганск, Запорожье, Херсон щIыналъэхэр зэрызэкъуэувам. Ахэр псори зи фIыщIэр ди къэралым и Президент лъэщымрэ ди урысей дзэ къарууфIэмрэщ. Ди Президентымрэ ди къэралымрэ дзыхьышхуэ яхудощI! — къыпидзэжащ Хубиев Марат икIи къызэхуэсахэм яхъуэхъуащ къэхъу-
къащIэшхуэмкIэ — тхыдэ пэжыр зэрызэфIэувэжамкIэ.
Пшыхьым цIыху куэд къекIуэлIащ. Зэхыхьэр ягъэдэхащ Къэрэшей-Черкес Республикэм и къэрал филармонием и уэрэджыIэхэм. Абыхэм ягъэзэщIащ Хэку фIылъагъуныгъэм, хэкупсагъэм теухуа уэрэдхэр. МахуэщIым ипкъ иту, республикэ псом щрагъэкIуэкIа «Разговоры о важном» дерсхэми псалъэмакъ нэхъыщхьэу къыщаIэтар хэгъуэгухэр Урысейм къы гъэм теухуа уэрэдхэр. МахуэщIым ипкъ иту, республикэ псом щрагъэкIуэкIа «Разговоры о важном» дерсхэми псалъэмакъ нэхъыщхьэу къыщаIэтар хэгъуэгухэр Урысейм къызэрыгухьэжаращ. — Кърым хэгъуэгур Урысеишхуэм и зы Iыхьэу щытащ. Абы щыпсэухэм ар фIы дыдэу ящIэт. Тхыдэ захуагъэр, цIыхухэм я хуитыныгъэхэр зэфIэувэжащ. ЩIалэгъуалэм ар яцIыхун хуейщ абы къыхэкIыу, мы Iуэхугъуэм къытщIэтаджэ щIэблэм сыт щыгъуи дакъыхутепсэлъыхьынущ, — жаIащ щIэблэм и пащхьэ къэпсэлъахэм.
Зыгъэхьэзырар ЕЗАУЭ Маринэщ
Больше на Черкес хэку
Подпишитесь, чтобы получать последние записи по электронной почте.
