Комитетым и къалэн убзыхуахэр

Иджырей дунейм терроризмэм лъэпкъ, дунейпсо шынагъуэшхуэ къэзыгъэхъу, куэдрэ щыӀэну лъэпощхьэпо теплъэ иубыдащ. ХХ-ХХӀ лӀыщӀыгъуэхэм Урысей Федерацэм дунейпсо терроризмэм и шынагъуэм къыхэкӀыу игъуэта гузэвэгъуэшхуэм, ди къэралыгъуэм и щӀыналъэмкӀэ шынагъуэу къызэрыувам къыхэкӀыу, ди унафэщӀхэм къагъэуващ а Ӏуэхугъуэм ебэнынымкӀэ зэгъэуӀуауэ Ӏэмалхэр къызэрагъэпэщыну.

2006 гъэм мазаем и 15-м Урысей Федерацэм и Президентым къыдигъэкӀа «Терроризмэм пэщӀэтынымкӀэ Ӏэмалхэм ятеухуауэ» зи № 116-нэ Унафэмрэ 2006 гъэм гъатхэпэм и 6-м къыдигъэкӀа «Терроризмэм пэщӀэтыным теухуауэ» зи № 35- ФЗ федеральнэ хабзэмрэ къызэращтар щӀэдзапӀэ хуэхъуащ Урысейм лъабжьэщӀэ зиӀэ контртеррорист бэз къыщызэгъэпэщыным. Терроризмэм пэщӀэтыным и ӀэнатӀэмкӀэ зыгъэзащӀэ властым и федеральнэ органхэм, хабзэхъумэ къулыкъухэм, къулыкъу щхьэхуэ хэмрэ абыхэм я хэгъуэгу къудамэхэмрэ я лэжьыгъэр зэзыгъэуӀу институтым и лъабжьэу къэуващ къызэрагъэпэща Лъэпкъ антитеррор комитетыр.

Абы къызэщӀиубыдащ къэрал къулыкъу, Министерствэ, къулыкъущIапIэ 19-м я лъэкӀыныгъэхэр, абы къыхэкӀыу ар терроризмэм пэщӀэтынымкӀэ зэгъэуIуа гуп къулыкъу хъуащ. Япэрауэ, комитетым и лэжьыгъэр хуэунэтӀащ къалэн нэхъыщхьищым: терроризмэр къыщӀэгъэщыным, абы ебэныным, терроризмэм и къэхъукъащӀэхэм кърикӀуэ зэраныгъэхэр гъэмэщӀэнымрэ ахэр гъэкӀуэдыжынымрэ.

А къалэн псори зэхуэдэщ, ахэр зэфӀэгъэкӀыныр зэлъытар спецкъулыкъухэмрэ хабзэхъумэ ӀэнатӀэхэмрэ я гуащӀэм и закъуэкъым, атӀэ щӀыпӀэ властымрэ купсэмрэ я къулыкъухэм я лэжьыгъэр зэрызэтегъэпсыхьам, граждан жылагъуэм и институтхэр терроризмэм пэщӀэтыным зэрыхэтым мыхьэнэшхуэ иӀэщ. Къызэгъэпэщыныгъэ-управленэ Ӏуэхугъуэхэр гъэзэщӀа зэрыхъуам и фӀыгъэкӀэ, къару къагъэсэбэпурэ щӀэпхъаджащӀэ гупхэр зэрызэхакъутэм къыпэкӀуэ зэфӀэкӀым хагъэхъуащ, террорист Ӏуэхугъуэхэр къэмыгъэхъунымкӀэ, терактхэм къахь зэранхэр нэхъ мащӀэ щӀынымкӀэ лэжьыгъэр зэтегъэува хъуащ. Къащта унафэхэмрэ ахэр гъэзэщӀэнымкӀэ къызэрагъэпэща Ӏэмалхэмрэ къагъэлъэкӀащ G-8, АТЭС зэӀущӀэхэм, XXVII Къэралыбэ гъэмахуэ универсиадэм, XXII щӀымахуэ Олимп джэгухэм, ШОС-мрэ БРИКС-мрэ яхуэдэ, мыхьэнэшхуэ зиӀэ къэрал, правительствэ Ӏэтащхьэхэр зыхэт дунейпсо, политикэ, жылагъуэ зэӀущӀэхэр, псы спортымрэ футболымкӀэ дунейпсо чемпионатхэр, федеральнэ хэхыныгъэ кампаниехэр ягъэхьэзырынымрэ егъэкӀуэкӀынымрэ.

Абы щыгъуэми, иджырей щытыкӀэм къегъэув террорист шынагъуэм пэщӀэтынымкӀэ Ӏэмалхэм адэкӀи егъэфӀэкӀуэныр. Зэдэлэжьэныгъэ зэгъэуӀуар хуэунэтӀауэ щытын хуейщ къэна щIэпхъаджащIэ гупхэмрэ абыхэм я дэӀэпыкъуэгъухэмрэ гъэкӀуэдыным.