КIапсэншэ интернетыр

Къэрэшей-Черкесым и еджапIэу хъуар 2030 гъэм нэс кIапсэншэ интернеткIэ къызэрагъэпэщынущ.
Апхуэдэ лъэкIыныгъэр щыIэ хъуащ УФ-м и Президент Путин Владимир и унафэкIэ зэхагъэува «Экономика данных и цифровая трансформация» лъэпкъ проектым и фIыгъэкIэ.
Мыбы ипэкIэ, «Егъэджэныгъэ» лъэпкъ проектым и къэухьым къриубыдэу, Къэрэшей-Черкесым и еджапIэхэр псынщIагъышхуэ зиIэ интернетрэ зэманым декIу бжыгъэ оборудованэрэкIэ къызэрагъэпэщауэ щытащ.
«Дзыхь зэбгъэз хъун, тынш, псом я нэхъыщхьэжыр аращи, шынагъуэншэу щыт Wi-Fi зэпыщIэныгъэр егъэджакIуэхэм къащхьэпэнущ я лэжьыгъэм Iэмал зэмылIэужьыгъуэхэр къыщагъэсэбэпынымкIэ, электроннэ егъэджэныгъэ контентыр гъэлъэгъуэнымкIэ. ЕджакIуэхэми сэбэп зыхэлъ хъыбархэм бгъэдыхьэпIэ хуаIэ хъунущ. Къы еджапIэ Wi-Fi программэм къыхэлъытащ сабийхэм яIэрыхьэну хъыбархэр пэж дыдэу, къыздикI щIыпIэр щIэплъыкIауэ зэрыщытынур. Апхуэдэ бгъэдыхьэкIэм ди сабийхэр хъыбар мыхъумыщIэхэм ящихъумэнущ.
Шэч къытесхьэкъым, щIэныгъэщIэ зэгъэгъуэтынымкIэ, зэфIэкIым хэгъэхъуэнымкIэ кIапсэншэ интернетыр ди еджапIэхэм лъэкIыныгъэ лъэщ зэрахуэхъунум. Си фIэщ мэхъу электроннэ егъэджэныгъэ ресурсхэм, интерактивнэ егъэджэныгъэм, интернетым и нэгъуэщI лъэкIыныгъэхэм ди щIыналъэм деж егъэджэныгъэр псоми зэ¬хуэдэу ягъэгъуэтыным, абы и фIагъым хэгъэхъуэным, сабийхэм я зэфIэкIымрэ зэ¬чиймрэ зиужьыным зэрыщхьэпэнур. Ди егъэджакIуэхэми егъэджэныгъэ IуэхумкIэ ар дэIэпыкъуэгъушхуэ яхуэхъунущ», — жиIащ республикэм и лIыщхьэ Темрезов Рэшид.