КъЧР-М И ЦIЫХУБЭ ФРОНТЫМ тхьэусыхэ куэд къокIуалIэ, телефонкIи зыкъыпащIэ хэгъуэгум щыпсэухэм, жылагъуэ зэхуэмыдэхэм псы ямыIэу, яIэми, мащIэ дыдэу къыпыткIуу зэрыщытым хуэгъэзауэ.
ЖыпIэнурамэ, мыпхуэдэ къэхъугъэхэм гъэмахуэ къэс къытрагъэзэж. КъЧР-м и Iэтащхьэм иджы дыдэ къигъэщIа Зыхуэгъэзэныгъэм ауэ сытми гулъытэ хэха иригъэгъуэтакъым, уеблэмэ упщIэ нэхъыщхьэ дыдэу
игъэувауэ щытащ республикэр псы къабзэкIэ къызэгъэпэщыныр!
ОНФ-м къыIэрыхьа тхьэусыхэхэр къабгъэдэкIащ Уарп районым и Курджиново жылагъуэм, Зеленчук районым хыхьэ Къардэныдж станицэм щыпсэухэм. Иужьрей жылагъуэм водоканал IуэхущIапIэ иIэххэкъым! Хэт упщIэр зэхэзыгъэкIыну пщэрылъ зыхьынур?
Республикэм и нэгъуэщI жылагъуэхэм: Усть-Жэгуэтэ къалэм, Даусыз, Садовэ жылагъуэхэм щыпсэухэм къабгъэдэкI псалъэмакъхэмрэ тхьэусыхэхэмрэ щызэбгрокI социальнэ зэпыщIэныгъэхэм.
ЦIыхубэ Фронтым зыхуигъэзащ Уарп водоканалым, жылагъуэм псы Iэрыгъэхьэным пыщIа лъэпощхьэпор
икIэщIыпIэкIэ IуигъэкIуэтыну хуигъэуву. Къардэныдж станицэр зэрыт щытыкIэ хьэлъэр IугъэкIуэтынымкIэ Зеленчук район администрацэм ОНФ-р долажьэ.
Iуэхур икIэщIыпIэкIэ зэхэгъэкIыныр КъЧР-м и ОНФ-м и нэIэм щIэтщ.
Зыгъэхьэзырар
АБИДОКЪУЭ Люсанэщ
Больше на Черкес хэку
Подпишитесь, чтобы получать последние записи по электронной почте.
