УФ-м и Президент Путин Владимир и жэрдэмкIэ къызэрагъэпэща «Страну меняют люди» япэ лъэпкъ саугъэтымкIэ къыхагъэщащ ди хэгъуэгум щыщ нэрыбгищ. Ахэр къэралым и дежкIэ мыхьэнэшхуэ зиIэ проектхэр зэхэзыгъэуващ, жылагъуэ Iуэхузехьэщ, СВО-м и лIыхъужьхэщ, зауэлIхэм сыт и лъэныкъуэкIэ ядэIэпыкъуну хьэзыр IэщIагъэлIхэщ.
Урысейм и лIыщхьэм къыбгъэдэкIыу саугъэтым и лауреат хъуахэм яхъуэхъуащ Президентым и Администрацэм и унафэщIым и къуэдзэ Орешкин Максим: «Гум къиха псалъэ гуапэхэр ныфхуэзгъэзэну сыхуейт фытегушхуэу Iуэху гъэщIэгъуэнхэр къызэрефхьэжьэм, ерыщу фызэрыщытым, Хэкум и зыужьыныгъэм хэлъхьэныгъэ зэрыхуэфщIым папщIэ. ЩIэуэ ттын едгъэжьа саугъэтым фIэщыгъэцIэ игъуэтар — «Страну меняют люди» жыхуиIэр, екIупэу солъытэ.
Ар пэж дыдэщ, сыт щхьэкIэ жыпIэмэ, дэтхэнэ цIыхури и гуащIэрэ хьэрычэткIэ и Хэкум фIы къыхуихьу, гъащIэр иригъэфIакIуэу, зыгуэрым хуэунэтIауэ, ипэкIэ кIуатэу лэжьэн зэрыхуейращ ехъулIэныгъэхэм я мыхьэнэ нэхъыщхьэр». СаугъэтымкIэ япэу ягъэлъэпIахэм ящыщщ «Хэкум и хъумакIуэхэр» фондым къыбгъэдэкIыу номинацэм хагъыхьахэр: СВО-м и ветеран Джуккаев Мусалим, Черкесск къалэм и Никольскэ члисэм и иерей Гурин Александр, КъЧР-м и ЦIыхубэ ЗэIущIэм (Парламентым) и депутат, «Архыз 24» телеканалым и унафэщI Батчаевэ Мадинэ сымэ. ГуфIэгъуэ Iуэхур зэфIагъэкIа, псори ягъэлъэпIа нэужь, гъуазджэм и лэжьакIуэ цIэрыIуэхэм концерт къыхузэрагъэпэщащ.
Мы саугъэтыр ят стратегическэ хьэрычэтхэмкIэ Агентствэмрэ Росконгресс Фондымрэ, абыхэм къадоIэпыкъу «ВЭБ УФ» къэрал корпорацэр, Урысейм зыхъумэжыныгъэмкIэ и Министерствэр, «Хэкум и хъумакIуэхэр» фондымрэ «Урысейр — лъэкIыныгъэхэм я къэралщ» мысату автоном организацэмрэ. КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
