«Прямая линия» зэпыщIэныгъэм ипкъ иту гъэзэщIапхъэу щыт къалэнхэр Урысейм и Президент Путин Владимир игъэбелджылащ. Апхуэдэу, УФ-м и Правительствэм, федеральнэ къулыкъухэмрэ хэгъуэгухэмрэ яхуэгъэзауэ къалэн 14 зэрыт дэфтэрым къэралым и Iэтащхьэм Iэпэ щIидзащ.
«Къалэнхэр хуэгъэзащ СВО-р екIуэкIыхукIэ хъыбарыншэ хъуа зауэлIхэр къэлъыхъуэным, абыхэм я унагъуэхэм дэIэпыкъуэгъу яхуэхъуным, дяпэкIэ дызыхуэныкъуэну зауэ IэщIагъэлIхэр гъэхьэзырыным хуэгъэза зауэ-егъэджэныгъэ IуэхущIапIэхэм зегъэужьыным, ВСУ-м и зэраныгъэ зылъыса, Украинэм пэгъунэгъу хэгъуэгухэм щыпсэухэм дэIэпыкъуэгъу яхуэхъуным, нэгъуэщIхэми. КъинэмыщIауэ, ди лъэпкъ Пашэм пщэрылъ ищIащ сабийхэм ирагъэгъуэт зыуэ щыт пособэр гъэувыным и зэкIэлъыкIуэкIэр гъэтэрэзыныр. Къапщтэмэ, цIыхур зэрыпсэуфыну ягъэбелджыла бжыгъэм езым и хэхъуэр мащIэу ебэкIыу щытми, пособэр хуэгъэува хъунымкIэ Iэмал щыIэхэм хэплъэнращ. Къэрэшей-Черкесым демографиер щегъэфІэкІуэным сабий къэхъухэр нэхъыбэ щІыным, гъащIэ кIыхьым и Илъэсу мы гъэр зэрыдгъэбелджылам ипкъ иту, Президентым и унафэр дэIэпыкъуэгъуфI къытхуэхъунущ ди деж щыпсэу унагъуэхэм я псэукIэм егъэфIэкІуэнымкIэ. Нобэ, унагъуэ къэс я зэIузэпэщыныгъэр епхащ Къэрэшей-Черкесым и социальнэ зэпIэзэрытыныгъэм, экономикэ зыужьыныгъэм, демографие щытыкIэм. ДэркIи ар япэ идгъэщ Iуэхугъуэщ. Ди Президентым къытхуигъэува пщэрылъхэр лэжьыгъэм къыхэдгъыхьагъэххэщ. Абыхэм псоми дыхэплъэнущи, игъуэу псори дгъэзэщIэным яужь дихьэнущ», — итхащ Темрезов Рэшид. Ди корр
Больше на Черкес хэку
Подпишитесь, чтобы получать последние записи по электронной почте.
