ТIуапсэ къалэм дэт «Южный» пансионатым «Изумрудная волна» зи фIэщыгъэцIэ, къафэр зи Iэпэгъу сабийхэм яхуэгъэпса лагерыр щылэжьащ икIи творчествэмрэ гъуазджэмрэкIэ Дунейпсо зэхьэзэхуэ — фестиваль щекIуэкIащ. Абы хэтащ ди къэралым и хэгъуэгу зэмылIэужьыгъуэхэм къабгъэдэкIа къэфакIуэ гуп куэд. Къэрэшей-Черкесым щыщу мы зэхьэзэхуэ-фестивалым зыкъыщагъэлъэгъуащ цIыхубэ къафэхэмкIэ «Юность Кавказа» ансамблым. НыбжьыщIэхэм я художественнэ унафэщIыр ХЬЭМЫКЪУЭ Азэмэтщ.
Зэхьэзэхуэм зыкъыщызыгъэлъэгъуа гупхэм ящыщу «Юность Кавказа» ансамблым «Лауреат 1-ой степени» дипломиплIрэ фестивалым и «Гран-При»-мрэ къилъэщащ. НыбжьыщIэхэм адыгэ къафэ зэмылIэужьыгъуэхэр утыку кърахьащ, икIи я ехъулIэныгъэхэм наIуэ зэращIщи, жюрири къыдахьэхын ялъэкIащ. Гупым хэт сабийхэми, абыхэм я унафэщIми, сэбэп къахуэхъуа псоми дахуохъуахъуэ! АдэкIи лъагапIэ нэхъ иныжхэм хуэкIуэну дащогугъ!
ЧЫРБЫЖ Иринэ
Больше на Черкес хэку
Подпишитесь, чтобы получать последние записи по электронной почте.
